Mabaka A go Bo Dintwa di sa Fele

BOLEO

Modimo o ne a bopa batsadi ba rona ba ntlha e bong Adame le Efa mo setshwanong sa gagwe. (Genesise 1:27) Seno se raya gore ba ne ba tla kgona go bontsha dinonofo tse Modimo a nang le tsone, tse di akaretsang kagiso le lorato. (1 Bakorintha 14:33; 1 Johane 4:8) Le fa go ntse jalo, Adame le Efa ba ne ba leofela Modimo ka go sa mo ikobele. Ka jalo, ba fetiseditse boleo le loso mo go rona. (Baroma 5:12) Boleo joo, bo dira gore re akanye dilo tse di sa siamang e bile re dire dilo tse di sa siamang.​—Genesise 6:5; Mareko 7:21, 22.

DIPUSO TSA BATHO

Modimo ga a a re bopela gore re ipuse. Baebele e a re: “Tota e bile motho ga a kgone go kaela botshelo jwa gagwe.” (Jeremia 10:23) Ka ntlha ya seo, dipuso tsa batho ga di ka ke tsa kgona go fedisa dintwa gotlhelele.

SATANE LE MADIMONA

Baebele e a re “lefatshe lotlhe le laolwa ke Satane.” (1 Johane 5:19) Satane Diabolo ke mmolai yo o setlhogo. (Johane 8:44) Ene le madimona a gagwe ba tlhotlheletsa batho gore ba simolole dintwa le gore ba rate thubakanyo.​—Tshenolo 12:9, 12.