A O A Gakologelwa?

A o akanyeditse ka kelotlhoko ditokololo tsa bosheng tsa Tora ya Tebelo? Fa go le jalo, o tla kgona go gakologelwa dintlha tse di latelang:

◻ Ke ka ntlha yang fa Mokeresete a sa tshwanela go keteka Keresemose?

Lebaka le lengwe ke gore moletlo wa Keresemose o simologile mo moketeng wa boheitane wa Saturnalia. mokete wa Seroma wa modimo wa temo-thuo wa Saturn. Letoko la Modimo le bolela jaana: “Se pataganeleñ yokwe le ba ba sa dumeleñ.” (2 Bakorintha 6:14-17) Mokeresete o ka seka a bo a kgaogane le ba ba sa dumeleng fa a santse a keteka moletlo o o simologileng mo boheitaneng.​—12/15, tsebe 6.

◻ Jubile ya Bokeresete ke eng?

Ke kgololesego e e kopanyeletsang “boamarure” jo bo ka gololang setho mo “molaoñ oa boleo le Iosho.” Boammaaruri jono bo thailwe mo go “Morwa,” Jesu Keresete. (Yohane 8:31-36; Baroma 8:1, 2, 21)​—1/1, tsebe 21.

◻ Jubile ya Bokeresete e ketekwa leng?

Ka Pentekosete ya 33 C.E., Jubile ya Bokeresete e ne ya simolola go ketekwa ke bao ba neng ba tla felela ba tshela kwa legodimong. Setho se se dumelang bao ba tla ipelelang botshelo jo bosakhutleng mo lefatsheng, ba tla itemogelela Jubile e e molemo ya Bokeresete mo pusong ya Dingwaga tse di Sekete, fa go tla bo go phimolwa masalela otlhe a sebe se se ruilweng le a bosaitekanelang.​—1/1, ditsebe 21, 22, 27.

◻ Ke ka ntlha yangfa Basupi ba ga Jehofa ba sa tsamaise dikolo tsa bana mo Asia le gongwe go sele?

Ka baka la se Bibela e se bolelang, Basupi ba ga Jehofa ba tshwanetse ba tshwenyega thata ka thomo ya bone ya go rera molaetsa wa botlhokwa wa Bogosl jwa Modimo. (Mathaio 24:14; 28:19, 20) Ga se gore ga ba lemoge go sotlega ga setho le go tlhoka tshiamiso mo tsamaisong eno, ebile ba thusa kafa ba ka kgonang ka teng. Leta go le jalo ba lemoga gore tharabololo ya boammaaruri ga e mo diatleng tsa batho. mme e mo kgololong e e tlogang e leriwa ke Bogosi jwa Modimo. (Pesalema 146:3-10)​—1/15, tsebe 7.

◻Ke di popego dife tsa tumelo tseo re ka di ithutang mo dikaong tsa bo Abele, Noa, Aberahame, le Moshe?

Tumelo e e tshwanang le ya ga Abele e rokotsa go anaanela ga rona setlhabelo sa ga Jesu. Tumelo ya boammaaruri e re thusa go nna pelokgale, jaaka Enoke. Jaaka Noa. tumelo e re kgoromeletsa go latela ditao tsa Modimo. Tumelo ya ga Aberahame e re kgatlha ka tlhokego ya go obamela Modimo le go tshepa ditsholofetso tsa gagwe. Re tshwanetse go nna re sena selabe mo lefatsheng le go ema le batho ba Modimo ka boikanyego, jaaka Moshe a ne a baya sekao.​—1/15, tsebe 20.

◻ Ke ka tsela efe go batla go itse go ka nnang lesego kana khutso?

Go batla go itse mo go siameng kaga Mmopi wa rona, thato ya gagwe, le maikaelelo a gagwe go ka kgotsofatsa eleruri le go nna le mosola, go lere boipelo le tapologo mo botshelong jwa rona. Mo letlhakoreng le Iengwe. go batla go itse mo go sa laolesegeng go ka re gogela mo tlhakantshukeng ya go itse thata le dithuto tsa batho, re nyenyefatsa tumelo ya mmatota le poihomodimo.​—2/1, tsebe 29.

◻ Jesu o ne a raya go reng fa a ne a rapela a re: “Rra wè, ha go ka nna yalo, a senwèlō se, se mphetè”? (Mathaio 26:39)

Jesu o ne a tshwenyegile ka molato wa go tlhapatsa Modimo o a neng a bona gore o ne a tla o pegwa. Tlolo e e ne e le maswe go feta tsotlhe tse Mojuda a neng a ka di bonwa molato. Ka gone, go swa ga gagwe tlase ga boemo jo bo ntseng jalo go ne go tla lebega go leretse Rraagwe wa selegodimo kgobo.​—2/15, tsebe 13.

◻Fa motho a tshwanelwa ke go itshokela pogisego kana tlhokofatso, tsela e e botlhale e a ka e tsayang ke efe?

Go ka nna molemo gore a nne pelotelele. a lebeletse go Jehofa ka tsholofelo go mo golola, le go atamalana thata le Ene. Seno se tla tlhofofaletsa motho yo go ralala boitemogelo jo bo tshwanang mo botshelong kwantle ga go latlhegelwa ke tsholofelo. (Dikhutsahalō 3:25-31)​—2/15, tsebe 24.

◻ “Dicō tse shomè le bobedi tsa Iseraela” tse Jesu a buang ka tsone mo go Luke 22:28-30 ke bomang?

Tseno di emela batho botlhe ba losika lwa motho bao ba tla atlholwang ke Keresete le baperesiti ba ba botlana ba gagwe ba ba 144 000 malebana le go shahatsa gotlhe mo Jehofa a go ikaeletseng ka lefatshe le. (Mathaio 19:28)​—3/1, tsebe 28.

◻ Go tewang ka kagiso ya bomodimo, mme e ka bonwa jang?

Kagiso ya bomodimo ke boemo jwa mogopolo le pelo jo bo ritibetseng, tidimalo ya mo teng. go sa kgathalesege se se diragalang. (Pesalema 4:8) E ka bonwa fela ka botsalano jo bo amogelesegang le Modimo. jo bo kgonisiwang ke setlhabelo sa thekololo sa ga Jesu Keresete. (Bakolosa 1:19, 20)​—3/15, ditsebe 11, 14, 15.

◻Re na le dipaakanyetso dife gompieno tse di re thusang go itse Modimo ka mo go atamalaneng?

Ka bobedi re na le Bibela le go diragadiwa ga dipolelelo-pele tsa Bibela mo go bonetseng mo makgolo-kgolong a dingwaga Gape, re na le dipego tsa Etangele tsa botshelo, ditiro, le matoko a ga Jesu Keresete. yo Paulo a neng a kwala jaana malebana le ene: “Gonne go agile botlalō yotlhe yoa Bomodimo sebele hèla mo go ena[Keresete].” (Bakolosa 2:9)​—4/1, tsebe 6.