Dipotso tse di Tswang go Babadi

◼ A motho yo o neelang Jehofa Modimo botshelo jwa gagwe o ka bua ka gone ka tshwanelo jaaka ikano?

Batho ba ba simololang go rata Modimo wa boammaaruri le ba ba ikemiseditseng go mo direla ka botlalo ba tshwanetse ba neela matshelo a bone go Jehofa ba bo ba kolobediwe Lemororo Bibela e sa dirise lefoko “ikano” mabapi le boineelo jwa Mokeresete, go dira jalo ga go lebege go ganwa.

Buka ya Aid to Bible Understanding e tlhalosa gore go ya ka Dikwalo ikano ke “tsholofetso e e masisi ya go dira tiro nngwe, go dira neelano kana mpho. kana go tsenelela tirelo nngwe kana boemo; tlhomamisetso, e ka ne e le ya selo se se siameng kana se se sa siamang.“ Maikano mangwe a rekoto ya Bibela a kopanyeletsa tlhomamisetso ya go latela tsela nngwe e e boletsweng fa Modimo o dirile sengwe pele. Ka sekai, Dipalō 21:2 e anela jaana: “Me lseraela a ikanèla Yehofa ka ikanō, a re, Ha rure u tla ntsenya chaba e mo seatleñ, hoñ metse ea bōnè ke tla e senyetsa rure.” (Genesise 28:20-22; Baatlhodi 11:30-39) Go neela ga Mokeresete botshelo jwa gagwe go Modimo ruri ga se ikano e e ntseng jalo e e ikaegileng ka mabaka mangwe. Ga a re, jaaka go ka tualo: ‘Fa wena, Jehofa o intumedisa le go nkatlegisa jaanong le go ntlhomamise tsa botshelo jo bosakhutleng mo tsamaisong e ntsha ya dilo. ke solofetsa go go direla botshelo jotlhe jwa me.’

Bibela e bolela fa maikano mangwe a sa tlhokafale ebile a sa patelesege. Wilson’s Old Testament Word Studies e bua jaana ka lefoko la Sehebera le go buiwang ka lone e re: “[na·daŕ ] go ikana, ke gore go solofetsa ka boithaopo go neela kana go dira sengwe; se tota se kaiwang e le go beela kwa thoko.” Jalo motho ka boithaopo o ikanela Modimo. A mme go ka akanngwa gore motho yo o nnang morutwa wa ga Jesu yo o ineetseng, a bile a kolobeditswe ga a kake a dira ikano ka ntlha ya gore Modimo jaanong o batla boineelo mo go botlhe bao ba batlang kamogelo ya Gagwe?a

Lefa go ntse jalo, lebaka la go bo Jehofa a na le ditlhokafalo dingwe tsa gore motho a tle a nne tsala ya gagwe ga go reye gore go ka seka ga dirwa tlhopho ya botho. Moshe o ne a bolelela Baiseraele jaana: “Ke beile botshelō le losho ha pele ga gago, tshègohaoo le phucō: ke gōna itshenkèlè botshelō, gore u tshelè, wèna le losika loa gago.” (Duteronome 30:19, 20; Pesalema 15:1-5; bapisa Yoshue 24:15; 1 Dikgosi 18:21.) Gakologelwa mafoko a ga Jesu a a reng: “Tlañ kwano go nna lotlhe ba lo lapileñ, ba lo imèlwañ, me ke tla lo lapolosa. Ipeleseñ yokwe oa me, le ithutè ga me; gonne ke bonōlō le boiñōtlō mo peduñ: me lo tla bōnèla meōea ea lona tapologō.” (Mathaio 11:28, 29) A seo ke patlafalo e e sa akanyediwang, pateletso? Kana a ke taletso e e letlelelang karabelo ya boithaopo?

Jesu o ne a tsholwa mo morafeng o o ineetseng go Modimo; dikarolo tse dintsi tsa botshelo jwa gagwe le loso di ne di boleletswe-pele mo boperofeting; me Modimo o ne o baakanyeditse Jesu mmele go o ntsha setlhabelo. Lefa go le jalo, phetso ya ga Keresete ya boithaopo ya go iteretse tirelo e e kgethegileng e sedimosiwa mo mafokong a gagwe a a reng: “Hoñ ka bua, ka re, Bōna ke tsile go diha go rata ga gago, Modimo, yaka go kwadilwe ga me mo kaboñ ea lokwalō.” (Bahebera 10:5-10) Ka tsela e e tshwanang, motho mongwe le mongwe o tshwanetse go ikemisetsa ka boene go nna Mokeresete yo o ineetseng, le go kolobediwa.

Go feta moo, Bakeresete gompieno ba lemoga gore tiriso ya lefoko le le tshwanang le “ikano” ga e a lekanyediwa fela kafa le neng le dirisiwa ka teng mo Bibeleng. Basupi ba ga Jehofa ga ba bolo go dirisa “maikano a lenyalo” mo meletlong ya manyalo e e tshwarelwang ka masisi kwa Diholong tsa bone tsa Bogosi.b Seno se dumalana le tlhaloso e e tlwaelegileng ya “ikano,” jaaka mo tlhalosong eno: “ikano tsolofetso e e masisi kana tiro, bogolo jang mo mokgweng wa go ikanela Modimo.”​—Oxford American Dictionary, 1980, tsebe 778.

Ka baka la seo, ga go lebege go tlhokafala go lekanyetsa tiriso ya lefoko “ikano.” Motho yo o dirang phetso ya go direla Modimo o ka nna a ikutlwa gore, mo go ene, boineelo jwa gagwe jo bo feletseng bo tshwana le ikano ya botho​—ikano ya boineelo. O ‘solofetsa ka masisi kana o ikaelela go dira sengwe,’ seo ikano eleng sone. Mo lebakeng le, ke go dirisa botshelo jwa gagwe go direla Jehofa, a dira thato ya Gagwe ka boikanyegi. Motho yo o ntseng jalo o tshwanetse go nna le boikutlo jo bo masisi kaga se. Go tshwanetse go nna jaaka ka mopesalema. yoo, fa a lebisa mo dilong tse a neng a ikanne mo go tsone, a neng a re: “Ke tla ntshetsa Yehofa eñ, ka ntlha ea masegō aotlhe a gagwè a o a ntihetseñ? Ke tla tsaea senwèlō sa poIokō, me ke tla bitsa leina ya ga Yehofa. Ke lehèla Yehofa maikanō a me.”​—Pesalema 116:12-14; bona le Pesalema 50:14.

[Dintlha tse di kwa tlase]