Sefapaano sa Bokeresete Pele ga ga Constantine?

“LOTSHWAO lwa sefapaano e nnile sesupo sa ditso tsa bogologolo, se teng mo e ka nnang mo ngwaong tsotlhe tse di itsiweng. Baithuti ba tlholego ya motho ga ba itse tlhaloso ya sone, lemororo go dirisiwa ga sone mo ditirong tsa diphitlho go supa sentle go dirisiwa ga sone jaaka iphemelo mo bosuleng. Mo letlhakoreng je lengwe, crux ansata e e tumileng ya Egepeto, e e tshwantshitsweng etswa mo molomong, e tshwanetse ya bo e lebisitse mo botshelong kana moya wa mohemo. Go dirisiwa ga lefatshe ka bophara ga lotshwao lwa sefapaano go dira gore go sa nneng teng gotlhelele ga sefapaano mo dilong tse di setseng tsa Bokeresete jwa pele go kgatlhise tota, bogolo jang mo go sepe fela se se lebisitseng ka tlhamalalo mo tiragalong ya kwa Gologotha. Bontsi jwa bakanoki jaanong ba dumela gore sefapaano, jaaka sesupo sa batshwantshi sa tiragalo eo e e hutsafatsang, ga se bonale pele ga motlha wa ga Constantine.”—Ante Pacem—​Archaeological Evidence of Church Life Before Constantine (1985), e e kwadilweng ke Porofesa Graydon F. Snyder, tsebe 27.