Botshelo ile Bodihedi tsa ga Jesu

Monna wa Mohumi le Lasaro ba Itemogelela Phetogo

JESU o anela setshwantsho sa monna mongwe wa mohumi le mokopi mongwe yo o humanegileng yo o bidiwang Lasaro. Monna wa mohumi o emela baeteledipele ba bodumedi ba ba nang le ditshiamelo le ditshono tsa semoya, mme Lasaro o emela batho ba ba tlwaelegileng ba ba bolailweng ke tlala ya dijo tsa semoya. Jesu o tswelela ka polelo ya gagwe, a tlhalosa ka phetogo e e gakgamatsang mo maemong a banna bano.

“Me ga dihala go re,” Jesu a rialo, “mokopi a shwa, me baengele ba mmelegela kwa sehuben sa ga Aberahame: mohumi le ena a shwa, a hitlhwa. Me o rile a le mo Bobipon, a choletsa matlho a gagwe, a le mo ditlhokohacon tse ditona, me a bona Aberahame kwa kgakala, le Lasaro a le mo sehuben sa gagwe.”

Ereka monna wa mohumi le Lasaro a se batho ba mmatota mme ba tshwantshetsa ditlhopha tsa batho, ka mo go utlwalang dintsho tsa bone le tsone ke tsa tshwantshetso. Go swa ga bone go tshwantshetsa eng, kana go emela eng?

Jesu o sa tswa go bontsha ka phetogo mo maemong a bone ka go bolela go re’go ne go ntse go le Molao le Baperofeti go fitlha ka nako ya ga Johane Mokolobetsi, mme fa esale ka nako eo go bolelwa ka bogosi jwa Modimo.’ Ka gone, ke ka go rera ga ga Johane le Jesu Keresete monna wa mohumi gammogo le Lasaro ba swang mo maemong a bone a pele, kana seemo.

Ba setlhopha se se boikokobetso, se se ikwatlhaileng sa ga Lasaro ba swa mo seemong sa bone sa pele sa semoya mme ba amogelwa ke Modimo. Lefa pele ba ne ba lebelela go bona manathwana a a wang mo tafoleng ya semoya ya baeteledipele ba bodumedi, jaanong boammaaruri jwa Dikwalo joo ba bo newang ke Jesu bo kgotsofatsa ditlhokafalo tsa bone. Ka go rialo ba tlisitswe mo sehubeng, kana ba amogelwa ke Aberahame yo Mogolwane, Jehofa Modimo.

Mo letlhakoreng le lengwe, ba setlhopha sa monna wa mohumi ba iponela go sa amogelweng ke Modimo ka go bo ba tsweletse ka go gana molaetsa wa Bogosi o o rutwang ke Jesu. Ka jalo ba swa mo seemong sa bone sa pele seo mo go sone ba neng ba lebega ekete ba amogetswe. Ebile tota, ba bolelwa fa ba le mo pogisong ya tshwantshetso. Reetsa jaaka monna wa mohumi a bua:

“Aberahama, Rra, nkutlwela botlhoko, me a rome Lasaro, gore a tle a in& ntlha ea monwana oa gagwe mo metsin, a ntsidihatse loleme, gonne ke tlhokohadiwa mo go golo mo kgabun e.” Batho ba setlhopha sa monna wa mohumi ba tlhokofadiwa ke melaetsa e e nonofileng ya Modimo ya katlholo e e bolelwang ke barutwa ba ga Jesu. Ba batla gore barutwa ba tlogele go bua melaetsa eno, ka jalo ba ba golola mo pogisong ya bone.

“Me Aberahame a re, Morwaaka, gopola yaka a rile mo botshelon yoa gago a nu u amogetse dilo tse di molemo tsa gago, le yaka Lasaro le ena a na a na le dilo tse di boshula: me yanon, ena oa gomodiwa, me wena a tlhokohadiwa mo gogolo. Me bogolo go cotlhe tse, ha gare ga rona le Iona, go tlhomilwe phatlha a kgolo e e senan bogato; gore ba ba kwano ba ba ratan go hetela kon go Iona, ba retelelwe; le kon ba ba ratan go tla kwano go rona, ba reteleIwe.”

Abo phetogo eno ya ba setlhopha sa Lasaro le sa monna wa mohumi a siame ebile a tshwanela jang ne! Go fetoga mono ga boemo go fitlhelelwa dikgwedi di sekae fela moragonyana ka Pentekosete 33 C.E., fa kgolagano a kgologolo ya Molao a emisediwa ka kgolagano a ntsha. Jaanong go bonala ka phepafalo fela gore barutwa ba amogelwa ke Modimo, mme Bafarasai le baeteledipele ba bangwe ba bodumedi bone ga ba amogelwe. Ka jalo, “phatlha a kgolo” eo a kgaoganyang setlhopha sa tshwantshetso sa monna wa mohumi le barutwa ba ga Jesu a emela katlholo ya Modimo e e sa fetogeng; ya tshiamo.

Monna wa mohumi o kopa “Aberahama, Rra” gape go roma Lasaro kwa “ntlun ya ga rre; Ka ke na le bana ba ga rre, ba le batihano.” Monna wa mohumi ka go rialo o ipolela gore o na le kamano e e gaufi le rraagwe yo mongwe, yoo totatota a leng Satane Diabolo. Monna wa mohumi o kopa gore Lasaro a seka a bua molaetsa wa Modimo jaaka o ntse a le gore a tle a seka a tsenya ‘bomorwarraagwe ba batlhano’ ebong ditsala tsa gagwe tsa bodumedi, “helon ga tlhokohaco a kgolo.”

“Me Aberahame a mo raea, a ‘re, Ba na le Moshe le baperofeti; a ba utlwe bone.” Ee gore ‘bomorwarraagwe ba batlhano’ ba tle ba seka ba tlhokofadiwa, seo ba tshwanetseng go se dira ke go reetsa Moshe le Baperofeti bao ba bolelang fa Jesu a le Mesia mme ka jalo ba fetoge barutwa ba gagwe. Mme monna wa mohumi o ganetsa a re: “Nya, Aberahama, Rra: me ha monwe a cwa mo bashwin a ea kwa go bone, ba tla ikwatlhaea. Me a mo raea, a re, Ha ba sa utlwe Moshe le baperofeti, le gona ga ba ketla ba rapelesega, leha monwe a ka coga mo bashwin.” Modimo ga o kitla o dira ditshupo tse di kgethegileng kana dikgakgamatso go ba tlhatswa pelo. Batho ba tshwanetse go bala le go dirisa Dikwalo fa ba batla gore a ba amogele. Luke 16:16, 22-31; Yohane 8:44.

◆ Ke ka ntlhayang fa loso Iwa monna wa mohumi le loso Iwa ga Lasaro a le a tshwantshetso, mme dintsho tsa bone di tshwantshetsa eng?

◆ Monna wa mohumi o itemogela go tlhokofadiwa gofe, mme o kopa gore a gololwe mo go tsone ka mokgwa of e?

◆ “Phatlha a kgolo” a emela eng?

◆ Rraagwe monna wa mohumi totatota ke mang, mme bomorwarraagwe ba batlhano ke bomang?