Kgakololo go Mokwaledi le Molebedi wa Tirelo

Ngwaga nngwe le nngwe go dirwa kitsiso mo tokololong ya February ya Tirelo ya Rona ya Bogosi e e laelang mokwaledi le molebedi wa tirelo gore ba “tlhatlhobe tiro ya babulatsela botlhe ba ka metlha.” Ke ka ntlha yang fa go dirwa tlhatlhobo eno? Ke go bona gore ke bomang ba ba tlhokang go thusiwa gore ba fitlhelele diura tse di batlegang pele ga ngwaga wa tirelo o fela.

Babulatsela ba ka metlha ba tshwanetse go dira diura di le 1 000 mo bodireding ngwaga nngwe le nngwe. Fa February a fela, babulatsela bangwe ba fitlhela gore ba salela kwa morago, mme seno se ka dira gore ba kgobege marapo. Bagolwane ba ka nna ba thusa babulatsela, ba ba kgothatsa le go ba neela dikakantsho tse di molemo. Go tla ikaega ka seno gore a babulatsela ba tla fitlhelela diura tsa bone tse di batlegang mo ngwageng kana gore a ba tla tlogela tiro ya bobulatsela.

Babulatsela ba tla go anaanela tota fa bagolwane ba amega thata ka seno. Phuthego le yone e tla solegelwa molemo go nna le babulatsela ba ba itumelelang bodiredi jwa bone, ba ngaparela kabelo ya bone ka boikanyegi.