Dikgang Tsa Puso ya Modimo

Afrika Borwa: Letsatsi la Matlhatso, November 2, 1996 e ne e le le le itumedisang bakaulengwe ba rona ba ba 2024 fa ba ne ba kopane go tla go kgakola Holo e ntšha ya Dikopano kwa Bellville kwa Kapa Bophirima. Se se neng sa dira gore tiragalo eno e itumedise le go gaisa e ne e le go nna gone ga poresidente wa Mokgatlho, Mokaulengwe Milton G. Henschel le mosadi wa gagwe. O ne a neela puo ya kgakolo. Ka ntlha ya bopelonomi jwa bakaulengwe ba rona ba Kapa, maloko a Komiti ya Lekala le basadi ba bone le bone ba ile ba kgona go nna gone mo tiragalong eno e e kgethegileng. Re lebogela moya o o molemo jaana wa go rata Jehofa le wa botlhaga o bakaulengwe ba rona ba o bontshitseng ka bopelotshweu joo jwa bone.

Ka Sontaga, batho ba le 9500 ba ile ba kgobokana kwa Stellenbosch koo Mokaulengwe Henschel a neng a neela puo e e agang thata e e neng e theilwe mo go Moreri kgaolo 12. O ne a ikuela mo basheng ba bantsi ba ba mo phuthegong go dira tirelo ya nako e e tletseng go nna tiro ya bone ya botshelo jotlhe. Fa o etela kwa Kapa o tla amogelwa ka diatla tsoopedi fa o etela kago eno ya Holo ya Dikopano.