Lebokoso la Dipotso

◼ Re ka bona jang dikhopi tsa rona tsa Tora ya Tebelo le Tsogang!?

E re ka jaanong e setse e le lobakanyana go emisitswe ka dipeeletso tsa dimakasine tsa Tora ya Tebelo le Tsogang! ka dipuo tsotlhe, le dipeeletso tsa dikhasete tsa tsone, baboledi botlhe ba tshwanetse go amogela dimakasine tsa bone le dikhasete mo phuthegong ya bone. Go tla sala fela dimakasine tsa Mokwalo wa Difofu le dikhasete tse di romelelwang difofu, tse di romelwang mahala ka poso, di romelelwa batho ba ba tshwanelegang. Tsweetswee elang tlhoko gore diphuthego di ka kopa dikhasete tsa dimakasine ka go tlatsa foromo ya Congregation Requests (M-202). Dimakasine tsa dipuo di sele le tsa mokwalo o mogolo le tsone di tshwanetse go otariwa ka foromo eo.

Fa mongwe mo tshimong ya lona a kopa gore a tlisediwe dimakasine ka metlha, tsweetswee tlhomamisa gore o mo isetsa tsone ka metlha gore go se ka ga nna le makasine o o mo tlolang. Batho ba ba kgaotsweng ba ka iponela dimakasine kgotsa dibuka tse dingwe tse ba batlang go di dirisa kwa khaontareng ya dimakasine le dibuka kwa Holong ya Bogosi. Batho ba ba kgaotsweng ga ba a tshwanela go akarediwa mo lenaaneng la gago la batho ba o ba isetsang dimakasine ka metlha.

Dipeeletso tse ofisi ya lekala e tla nnang e di dira fela ke tsa batho ba baboledi ba phuthego ba sa kgoneng go ba isetsa dimakasine ka metlha. Fa Komiti ya Tirelo ya Phuthego e romela kopo ya dipeeletso tsa mongwe yo o sa kgoneng go bona dimakasine tsa rona ka tsela e nngwe, mokwaledi o tshwanetse go kwala lokwalo lo lo khutshwane a bontsha gore kopo eo ya peeletso e tlhatlhobilwe ya bo ya letlelelwa ke Komiti ya Tirelo ya Phuthego.

Seno se raya gore baboledi ga ba a tshwanela go kwalela ofisi ya lekala go ikopela dipeeletso. Dikopo le fa e ka nna dife tse di tla dirwang ke baboledi kgotsa batho bape ba ba kgatlhegang di tla busediwa kwa phuthegong.

◼ Legolegwa le ka bona jang dimakasine?

Fa e le gore phuthego e e rerang mo kgolegelong e kgona go neela magolegwa a a leng mo kgolegelong eo dimakasine, legolegwa le le batlang go nna le dikhopi tsa makasine wa Tora ya Tebelo le Tsogang! le tshwanetse go di amogela ka baboledi ba ba etang foo. Fa go sa kgonege, legolegwa le ka ikopela dipeeletso ka go kwalela ofisi ya lekala. Tsweetswee ela tlhoko gore magolegwa a a kgaotsweng le one a ka iponela dikhopi tsa dimakasine ka thulaganyo e e bontshitsweng mo serapeng seno.