Kafa re ka Buelelang Dimakasine ka Gone

Tora ya Tebelo February 1

“Bontsi jwa rona re na le bodumedi jwa rona. A o akanya gore go a kgathalesega mo Modimong gore re tlhopha go mo obamela jang? [Mo letle gore a arabe. Go tswa foo bala Mathaio 15:9.] Setlhogo seno se sekaseka dikarolo di le nnè tsa kobamelo ya boammaaruri jaaka Jesu a ile a e tlhalosa.” Buelela setlhogo se se simololang mo tsebe 16.

Tsogang! February

“Bangwe ba dumela mo Mmoping mme ba bangwe ba akanya gore go dumela jalo ga go tsamaisane le saense e bile ga go utlwale. Wena o akanya eng? [Mo letle gore a arabe.] Go ya ka Baebele, tumelo ya mmatota e theilwe mo bosuping. [Bala Bahebera 11:1.] Setlhogo seno se sekaseka bosupi bongwe jo bo bontshang gore go na le Mmopi.” Buelela setlhogo se se simololang mo tsebe 22.

Tora ya Tebelo March 1

“A o tsaya Baebele jaaka Lefoko la Modimo kgotsa a o akanya gore ke buka e e molemo fela? [Mo letle gore a arabe.] Ela tlhoko se Baebele ka boyone e se bolelang. [Bala 2 Timotheo 3:16, 17.] Makasine ono o tlhalosa kafa o ka dirang tshwetso ka teng fa o setse o na le kitso ka kgang eno le gore ke ka ntlha yang fa go le botlhokwa go dira jalo.”

Tsogang! March

“Jaaka batho ba le bantsi, gongwe le wena o rata bontle jwa tlholego. A o tla dumela gore dilo tsa tlholego di bontsha gape gore di bopilwe ka botlhale? [Mo letle gore a arabe. Go tswa foo bala Pesalema 104:24.] Makasine ono o umaka dikai tse di kgatlhang tsa go bopiwa ga dilo tsa tlholego mme o tlhalosa gore dilo tseno di re ruta eng.”