“Tsamaisa Makasine wa Bogologolo Kgotsa Boroutšhara Bope Fela jo bo Buang ka Dilo Tse Mong wa Ntlo a di Kgatlhegelang”

Mo dikgweding tse ka tsone re buelelang buka ya Baebele e Ruta Eng? le thuto mo loetong lwa ntlha, re kgothalediwa go “tsamaisa makasine wa bogologolo kgotsa boroutšhara bope fela jo bo buang ka dilo tse mong wa ntlo a di kgatlhegelang” fa mong wa ntlo a setse a na le buka mme a sa batle go ithuta. Ka ntlha yang?

Diboroutšhara le dimakasine tsa bogologolo di bua ka ditlhogo tse di farologaneng tse di mo nakong. Gongwe go na le sengwe mo dikgatisong tseno se se ka amang pelo ya mong wa ntlo. Ka jalo, fa o paka kgetsi ya gago ya tshimo, tsenya diboroutšhara le dimakasine tse di farologaneng tsa bogologolo. Fa e le gore ga o na dimakasine tsa bogologolo, gongwe o ka di kopa kwa khaontareng ya dimakasine. Mme fa e le gore mong wa ntlo o setse a na le buka ya Baebele e Ruta Eng? mme a sa batle thuto ya Baebele, o ka mmontsha dingwe tsa dimakasine kgotsa diboroutšhara tse o nang le tsone mme o bo o mo kopa gore a itlhophele tse a di kgatlhegelang. Morago ga foo, dira dithulaganyo tsa go boa le go tsosa kgatlhego ya gagwe. Gongwe kgabagare thuto ya Baebele e ka simololwa.