Tsela e e Molemo ya go Itumelela Dipina Tsa Bogosi

Batlhanka ba Modimo ba tsaya mmino e le mpho e ntle e e tswang kwa go Jehofa. (Jak. 1:17) Diphuthego di le dintsi di itumelela go tshamekela dipina tsa Bogosi kwa tlase pele le morago ga dipokano tsa phuthego. Go tshameka mmino wa puso ya Modimo ke tsela e e ritibatsang ya go re amogela kwa dipokanong. Go re thusa gore megopolo ya rona e siamele kobamelo. Mo godimo ga moo, go tshameka dipina tse disha go tswa mo dibukeng tsa rona tsa dipina go dira gore re tlwaelane le dipina tseno e bile go re thusa gore re di opele sentle. Fa go tshamekiwa mmino o o ntseng jalo morago ga dipokano go dira gore go nne le boitumelo le go dira gore re itumelele botsalano jo bo kgothatsang. Ka jalo, ditlhopha tsa bagolwane di tshwanetse go dira dithulaganyo tse di tshwanetseng go tshameka mmino go tswa go Sing to Jehovah—Piano Accompaniment, pele le morago ga dipokano. Ba tshwanetse go tlhomamisa gore modumo wa mmino o utlwala sentle le gore ga o kgoreletse batho fa ba ntse ba tlotla.