A o Ka Laletsa Mongwe?

Mo diphuthegong di le dintsi go na le baboledi ba ba sa kgoneng go dira go le gontsi mo bodireding ka ntlha ya malwetse a a sa foleng kgotsa bogodi. (2 Bakor. 4:16) A o ka laletsa mongwe yo o mo maemong a a ntseng jalo gore a tsamaye le wena fa o ya go tshwara thuto ya Baebele? Fa mmoledi a sa kgone go tswa mo ntlong, gongwe o ka nna wa ba wa ya go tshwarela thuto eo kwa legaeng la gagwe. A ka dinako dingwe o ka dira dithulaganyo tsa go tsamaya matlo a se kae le mmoledi yo o se nang botsogo jo bontle mo bodireding jwa ntlo le ntlo kgotsa mo loetong lwa go boela lo le longwe kgotsa a le mabedi? Baboledi ba le bantsi ba ba godileng ba na le maitemogelo thata mo bodireding. Ka jalo, maiteko a gago a ka se kgothatse bone fela. Le wena o tla solegelwa molemo. (Bar. 1:12) Mo godimo ga moo, Jehofa o tla segofatsa maiteko a gago a go bontsha lorato ka tsela eno.—Dia. 19:17; 1 Joh. 3:17, 18.