Dirisa Dikgatiso ka Botlhale

Jesu o ne a ruta jaana: “Lo amogetse mahala, nayang mahala.” (Mat 10:8) Re sala taelo eno morago ka go sa rekisetse batho Dibaebele kgotsa dikgatiso tse di theilweng mo Baebeleng. (2Bak 2:17) Le fa go ntse jalo, dikgatiso tseno di na le molaetsa o o botlhokwa go tswa mo Lefokong la Modimo. Go tsewa matsapa a magolo le madi a mantsi go gatisa le go romela dikgatiso kwa diphuthegong tse di farologaneng mo lefatsheng lotlhe. Ka jalo, re tshwanetse go tsaya palo e re e tlhokang fela.

Dirisa temogo fa o naya batho dikgatiso tota le fa o rera mo lefelong le go nang le batho ba bantsi teng. (Mat 7:6) Go na le go naya bafetikatsela dikgatiso fela, leka go tlotla le bone go bona gore a ba a di kgatlhegela kgotsa nnyaa. A o ka kgona go araba potso e le nngwe fela mo lebokosong le le fa thoko ka “ee”? Fa o sa kgone go bona gore motho o a kgatlhega, go botoka gore o mo neye pampitshana. Gone fa e le gore motho o kopa makasine kgotsa kgatiso e sele, re tla mo e naya.—Dia 3:27, 28.