Dipina Tsa Bogosi di re Thusa go Nna Pelokgale

Paulo le Silase ba ile ba opelela Modimo le fa ba ne ba le mo kgolegelong. (Dit 16:25) Badumedimmogo le rona le bone ba ne ba opela dipina tsa Bogosi fa ba le kwa dikampeng tsa pogisetso tsa Banasi tsa Sachsenhausen kwa Jeremane le fa ba ile botshwarwa kwa Siberia. Sekao sa bone se re bontsha kafa dipina tsa Bogosi di re nayang bopelokgale ka gone fa re lebane le diteko.

Mo nakong e e sa fediseng pelo, dipuo tse di farologaneng di tla nna le buka e ntšha ya dipina e e bidiwang Opelelang Jehofa ka Boitumelo. Fa re sena go nna le yone, re ka ipha nako ya go ithuta mafoko a dipina tseno fa re tshwere kobamelo ya lelapa. (Bae 5:19) Mme moya o o boitshepo o tla re thusa go di gopola fa re lebana le diteko. Dipina tsa Bogosi di ka re thusa go akanya ka tsholofelo ya rona. Di ka re thusa fa re lebane le mathata. Mme fa re itumetse, mafoko a tsone a ka re tlhotlheletsa go opelela Jehofa ka boitumelo. (1Dit 15:16; Pes 33:1-3) A re lekeng ka natla go opela dipina tseno tsa Bogosi!

LEBA BIDIO E E RENG PINA E E KGOTHADITSENG BABEREKI. GO TSWA FOO, ARABA DIPOTSO TSE DI LATELANG:

• Ke eng se se dirileng gore Mokaulengwe Frost a tlhame pina eo?

• Pina eo e ile ya kgothatsa jang bakaulengwe ba ba neng ba le mo kampeng ya pogisetso ya Sachsenhausen?

• Dipina tsa Bogosi di ka go kgothatsa mo maemong afe a o lebanang le one letsatsi le letsatsi?

• Ke dipina dife tse o ka ratang go gopola mafoko a tsone?