Go Tokafatsa Bokgoni Jwa Rona mo Bodireding—Go Rerela Mongwe le Mongwe mo Tshimong ya Rona

GORENG GO LE BOTLHOKWA: Sekarea o ne a bolelela pele gore batho ba ba tswang mo ditšhabeng tse di farologaneng ba tla amogela dikgang tse di molemo. (Sek 8:23) Mme ba ne ba tla rutwa ke mang? (Bar 10:13-15) Re neilwe tlotla le boikarabelo jwa go rerela mongwe le mongwe mo tshimong ya rona.—od 83-84 ¶10-11.

SE O KA SE DIRANG:

• Baakanyetsa. A o a tle o kopane le batho ba ba buang puo e sele? O ka dirisa app ya JW Language go ithuta puo ya bone. Kgotsa o ka ba bontsha gore ba ka batla dikgatiso jang ka dipuo tsa bone mo jw.org

• Bua le mongwe le mongwe. Fa o rera ka ntlo le ntlo, rerela le batho ba ba fetang ka tsela kgotsa ba ba ntseng mo dikoloing. Fa o rera mo mmileng, tlhoma mogopolo mo tirong ya gago

• Leka go boela kwa matlong a o sa fitlhelang ope kwa go one. Dira maiteko a go rerela mongwe le mongwe mo tshimong eo, gongwe ka nako kgotsa ka letsatsi le sele. Gongwe o tla tlhoka go rerela ba bangwe ka lekwalo, ka founo kgotsa fa o dira bodiredi jwa mmila

• Boela kwa bathong ba ba bontshitseng kgatlhego. Fa o kopana le motho yo o buang puo e sele, leka go batla mmoledi yo o itseng puo eo. O tla tlhoka go nna o mo tlhola go fitlha mmoledi yo o itseng puo eo a ya kwa go ene.—od 94 ¶39-40

LEBA BIDIO YA GO RERA KWA “KAROLONG E E KWA KGAKALAKGAKALA YA LEFATSHE,” O BO O ARABA DIPOTSO TSE DI LATELANG:

• 

  Bakaulengwe le bokgaitsadi ba ile ba dirang go ipaakanyetsa go ya go rera kwa tshimong e e kgakala? (1Bak 9:22, 23)

• 

  Ba ile ba lebana le dikgwetlho dife?

• 

  Ba itumeletse masego afe?

• Ke maiteko afe a o ka a dirang go fitlhelela batho ba ba oketsegileng mo tshimong ya lona?