MATLOTLO A A MO LEFOKONG LA MODIMO | MAREKO 3-4
Go Fodisa Batho ka Letsatsi la Sabata
Ke eng fa Jesu a ile a utlwisiwa botlhoko ke tsela e baeteledipele ba Bajuda ba neng ba dira dilo ka yone? Ka gonne ba ne ba feteletsa molao wa Sabata ka go tsenya melawana e e sa tlhokegeng. Ka sekai, go ne go sa letlelelwe gore motho a bolaye nta. Motho o ne a fodisiwa fela fa go bonala e kete o tloga a swa. Seno se ne se raya gore fa motho a robegile kgotsa a tsipogile o ne a ka se thusiwe ka Sabata. Baeteledipele ba Bajuda ba ne ba sa kgathalele monna yo seatla sa gagwe se neng se golafetse.