Ruta Batho ba o Ithutang le Bone Gore ba Ithute ba le Nosi

Gore re thuse batho ba re ithutang Baebele le bone go itse Jehofa le gore ba gatele pele mo phuthegong, ga go a lekana gore ba itse dithuto tsa boammaaruri fela tse re ba rutang tsone, go na le moo, ba tshwanetse go ithuta mo go oketsegileng. (Mat 5:3; Bah 5:12–6:2) Gape ba tshwanetse go itse gore ba ka ithuta jang ba le nosi.

Simolola ka go bontsha batho ba o ithutang Baebele le bone gore ba ka baakanyetsa jang karolo e lo tla e ithutang mmogo mme o ba rotloetse gore ba nne ba dira jalo. (mwb18.03 6) Ba rotloetse gore ka metlha ba rapele pele ba ithuta ba le nosi. Ba bontshe gore ba ka dirisa jang dithulusu tsa go dira dipatlisiso fa ba ithuta. Ba tlhalosetse gore ba ka bona jang dilo tsa bosheng mo jw.org le mo JW Broadcasting^®. Nna o ba rute gore ba bale Baebele letsatsi le letsatsi, ba baakanyetse dipokano le gore ba dire dipatlisiso ka dipotso tse ba nang le tsone. Ba thuse gore ba akanyetse kwa teng ka se ba se ithutang.

LEBANG BIDIO YA, THUSA BATHO BA O ITHUTANG LE BONE GORE BA ITHUTE BA LE NOSI, LO BO LO ARABA DIPOTSO TSE DI LATELANG:

• 

  Lesego o ile a thusa Mmasentle jang go bona gore go ithuta ga se go itse dikarabo fela?

• 

  Ke eng se se thusitseng Mmasentle gore a tlhatswege pelo gore Jehofa o dira se se siameng ka go sa letlelele boitsholo jo bo sa siamang jwa tlhakanelodikobo?

• 

  Mmasentle o ile a lemoga eng ka go akanyetsa kwa teng ka se a se ithutileng?