Thusa Batho ba o Ithutang Baebele le Bone go Atamalana le Jehofa

Jehofa o batla gore re mo direle ka gonne re mo rata. (Mat 22:37, 38) Fa batho ba re ithutang Baebele le bone ba rata Jehofa, seo se tla ba thusa gore ba dire diphetogo le gore ba se ka ba ineela fa ba na le mathata. (1Jo 5:3) Gape go ka ba tlhotlheletsa gore ba kolobediwe.

Thusa batho ba o ithutang Baebele le bone gore ba lemoge gore Modimo o a ba rata. Mmotse jaana: “Seno se go ruta eng ka Jehofa?” kgotsa “Seno se go bontsha jang gore Modimo o a go rata?” Ba thuse go lemoga gore Jehofa o ba thusitse jang mo botshelong. (2Dt 16:9) Ba tlotlele kafa Jehofa a arabileng dithapelo tsa gago ka gone, e bile o ba thuse go lemoga fa Jehofa a araba dithapelo tsa bone. Re a itumela fa re bona batho ba re ithutang Baebele le bone ba lemoga gore Jehofa o a ba rata, mme le bone ba bo ba mmontsha gore ba a mo rata le gore ba batla go nna ditsala tsa gagwe.

LEBANG BIDIO YA THUSA BATHO BA O ITHUTANG BAEBELE LE BONE GORE BA ATAMALANE LE JEHOFA, LO BO LO ARABA DIPOTSO TSE DI LATELANG:

• 

  Mmasentle o ne a lebana le bothata bofe?

• 

  Lesego o ile a thusa jang Mmasentle?

• 

  Mmasentle o ne a fenya jang bothata joo?