LAEBORARI YA MO INTERNET
Watchtower
LAEBORARI YA MO INTERNET
Setswana
š
  • ê š ô Ê Š Ô
  • BAEBELE
  • DIKGATISO
  • DIPOKANO
  • ijwbq setlhogo 46
  • A Tota Diabolo o Teng?

Ga go na bidio mo karolong eno.

Tshwarelo, bidio eno ga e kgone go tlhaga.

  • A Tota Diabolo o Teng?
  • Dikarabo Tsa Dipotso Tsa Baebele
  • Ditlhogwana
  • Tse di Tsamaisanang le Setlhogo Seno
  • Karabo ya Baebele
  • Dilo tse dingwe tse di seng boammaaruri ka ga Diabolo
  • Diabolo—Ga se Tumelabotlhodi Fela
    Tora ya Tebelo E Itsise Bogosi Jwa ga Jehofa—2001
  • Ganetsang Satane, Mme o Tla lo Tshaba!
    Tora ya Tebelo E Itsise Bogosi Jwa ga Jehofa—2006
  • Diabolo ke Mang Kgotsa ke Eng?
    Tora ya Tebelo E Itsise Bogosi Jwa ga Jehofa (Ya Batho Botlhe)—2016
  • Tota ke Mang yo o Busang Lefatshe?
    Tora ya Tebelo E Itsise Bogosi Jwa ga Jehofa—2011
Bona Ditlhogo Tse Dingwe
Dikarabo Tsa Dipotso Tsa Baebele
ijwbq setlhogo 46

A Tota Diabolo o Teng?

Karabo ya Baebele

Ee, Diabolo o teng. Ke “mmusi wa lefatshe,” sebopiwa sa semoya se se neng sa nna boikepo sa bo sa tsuologela Modimo. (Johane 14:30; Baefeso 6:11, 12) Baebele e senola botho jwa ga Diabolo ka maina le mafoko ano a a latelang:

  • Satane, e e kayang “Moganetsi.”​—Jobe 1:6.

  • Diabolo, e e kayang “Motho yo o senyang ba bangwe leina.”​—Tshenolo 12:9.

  • Noga, e mo Baebeleng e kayang “Motsietsi.”​—2 Bakorintha 11:3.

  • Moraedi.​—Mathaio 4:3.

  • Moaki.​—Johane 8:44.

Ga se bosula jo bo mo mothong

Bangwe ba tsaya gore Satane Diabolo ke bosula bongwe jo bo mo mothong. Le fa go ntse jalo, Baebele e na le pego e mo go yone Modimo a neng a bua le Satane. Modimo o itekanetse, ka jalo o ne a ka se ka a bua le karolo nngwe e e bosula mo go ene. (Duteronome 32:4; Jobe 2:1-6) Ka tsela e e tshwanang, Satane o ne a raela Jesu, yo o se nang boleo. (Mathaio 4:8-10; 1 Johane 3:5) Ka jalo, Baebele e bontsha gore Diabolo o teng mme ga se bosula jo bo mo mothong.

A re tshwanetse go gakgamadiwa ke gore batho ba le bantsi ga ba dumele gore Diabolo o teng? Nnyaa le e seng, ka gonne Baebele ya re Satane o dirisa maano a boferefere gore a fitlhelele maikaelelo a gagwe. (2 Bathesalonika 2:9, 10) Lengwe la maano a magolo a a sa bolong go a dirisa ke go foufatsa batho ba le bantsi gore ba se ka ba dumela gore tota o teng.​—2 Bakorintha 4:4.

Dilo tse dingwe tse di seng boammaaruri ka ga Diabolo

Se se seng boammaaruri: Lusifa ke leina le lengwe la ga Diabolo.

Boammaaruri: Lefoko la Sehebera le mo Dibaebeleng tse dingwe le ranotsweng go twe “Lusifa” le kaya “yo o phatsimang.” (Isaia 14:12) Ditemana tse di dikologileng temana eno di bontsha gore lefoko leno le kaya puso kgotsa dikgosi tse di latelanang go ya ka losika tsa Babelona, e Modimo a neng a tla e kokobetsa ka ntlha ya go ikgodisa ga yone. (Isaia 14:4, 13-20) Mafoko “yo o phatsimang” a ne a dirisiwa go sotla puso ya Babelona e e neng e tla menolwa.

Se se seng boammaaruri: Modimo o dirisa Satane go atlhola batho.

Boammaaruri: Diabolo ke mmaba wa Modimo, ga se motlhanka wa gagwe. Satane Diabolo o ganetsa batho ba ba direlang Modimo e bile o ba latofatsa ka maaka.​—1 Petere 5:8; Tshenolo 12:10.

    Dikgatiso Tsa Setswana (1978-2026)
    Tswa
    Tsena
    • Setswana
    • Romela
    • Tse O ka Di Tlhophang
    • Copyright © 2025 Watch Tower Bible and Tract Society of Pennsylvania
    • Melawana ya Tiriso
    • Molawana wa Tshireletsego
    • Di-setting Tsa Websaete
    • JW.ORG
    • Tsena
    Romela