Dira Thulaganyo e Lelapa la Gago le ka Kgonang go e Latela

¹ Mo Therong ya mo Thabeng, Jesu o ne a kgothatsa bareetsi ba gagwe a re: “Jalo, nnang lo batle pele bogosi le tshiamo ya gagwe.” (Math. 6:33) Tsela e e mosola ya go rulaganya ditiro tsa lelapa ka tsela e e tla dirang gore dilo tsa semoya di se ka tsa salela kwa morago ke ka go itirela thulaganyo. Dirisa metsotso e se kae go direla lelapa la gago thulaganyo ya beke le beke, o dirisa thulaganyo e go sa kwalwang sepe mo go yone e e mo tsebeng ya 6 ya tsenyeletso eno. Bangwe mo lelapeng ba ka nna ba rata go ipha tiro ya go sega dikarolo dingwe tsa thulaganyo eno ba bo ba di manega mo go e ba e itiretseng. Ba bangwe bone ba ka nna ba rata go kwala ditiro tse ba batlang go di dira mo thulaganyong eno.

² Sekai sa thulaganyo e e bontshitsweng fa tlase fano se ka go thusa go itirela ya gago. O tla lemoga gore e akaretsa ditiro di le nnè fela tsa konokono: (1) go nna teng kwa dipokanong tsa phuthego, (2) bodiredi jwa tshimo jwa lelapa, (3) thuto ya lelapa, le (4) go tlotla ka temana ya letsatsi. Go tsenya dilo tseno mo thulaganyong ya gago go ka go thusa gore o “tlhomamise dilo tse di botlhokwa thata.” (Bafil. 1:10) Go na le dikakantsho tse dingwe gape tse di buang ka dilo tse nnè tseno mo tsebeng ya 4-5.

³ Seno ga se reye gore thulaganyo ya lelapa la gago e nne le dilo tse nnè tseno fela. Fa lo baakanyetsa dipokano dingwe tsa phuthego jaaka lelapa, tsenya seo mo thulaganyong ya lona. Fa e le gore lo bala Baebele mmogo fa lo sena go tlotla ka temana ya letsatsi kgotsa lo e bala ka nako e nngwe, kwala seo mo thulaganyong. Fa e le gore lo tlwaetse go intsha bodutu mmogo jaaka lelapa, o ka nna wa rata go tsenya seo mo thulaganyong eo.

⁴ Dira gore thulaganyo e o e dirang ya lelapa e tshwanele maemo a botlhe mo lelapeng. Sekaseka thulaganyo eo nako le nako go bona gore a e bereka sentle, mme o dire diphetogo go ya kafa go tlhokegang ka gone.

[Chart on page 3]

Sekai sa Thulaganyo ya Lelapa

Mo Mosong Thapama Maitseboa

Son. Temanaya Letsatsi

Tirelo ya Tshimo

ya Lelapa

Puo ya Phatlalatsa

Man. Temanaya Letsatsi Thuto ya Lelapa

Lab. Temanaya Letsatsi Thuto ya Buka

ya Phuthego

Labor. Temanaya Letsatsi

Labon. Temanaya Letsatsi Sekolo sa

Bodiredi sa

Puso ya Modimo

le Pokano ya

Tirelo

Labot. Temanaya Letsatsi

Mat. Temanaya Letsatsi

Tirelo ya Tshimo

ya Lelapa

[Chart on page 6]

Thulaganyo ya Lelapa

Mo Mosong Thapama Maitseboa

Son.

Man.

Lab.

Labor.

Labon.

Labot.

Mat.

.................................................................