Go Tokafatsa Bokgoni Jwa Rona mo Bodireding—Simolola Motlotlo Gore o Neele Bosupi O se Mo Bodireding

Lebaka La go Bo go Le Botlhokwa: Gantsi fa re rera ka ntlo le ntlo, re fitlhela batho ba le bantsi ba seyo mo malapeng. Le fa go ntse jalo, re ka kopana le bone mo dipalangweng tsa botlhe, kwa phaposing ya go letela ngaka, ka nako ya boikhutso kwa tirong kgotsa kwa sekolong le kwa mafelong a mangwe. Jehofa o batla gore batho botlhe ba nne le tshono ya go utlwa molaetsa wa Bogosi. (1 Tim. 2:3, 4) E le gore re neele bosupi, gantsi ke rona re tshwanetseng go simolola motlotlo.