Go Jala Peo ya Bogosi

1. Tlang batlhanka ba ga Jehofa,

Ba ba ineetseng go ene.

Tlang mo tirong ya Mong wa rona,

Mme lo nne lo mo latele.

Jalang peo ya boammaaruri

Mo dipelong tse di ungwang.

Loisetsa Jah kgalalelo,

Ka tiro ya lona ya boikanyegi.

2. Peo e nngwe e lo tla e jalang,

E wela pelong ya leje.

Mme ruri ba tla itshenola,

Fa ba lebana le teko.

Fa dikhumo di hupetsa ’foko;

Jaanong ba rata lefatshe.

Mme peo nngwe yone e ka ungwa thata,

Ya ntsha matswela a’a molemo.

3. Fa’o lwela go dira ka natla,

O tla atlega mo tshimong.

Fa’o bontsha bopelotelele,

Batho ba ka nna ba go’utlwa.

Fa’o ba kgatlhegela go tswa pelong,

Ba ka amogela ’foko.

Mme ka boipelo o tla roba,

Makgolokgolo kgotsa go feta.