Ba Rute Gore Ba se Ka ba Kgaotsa go Direla Jehofa

Fa mmoledi yo o sa tswang go kopanela le phuthego a thusiwa di tloga fela gore o tshwanetse go ya bodireding ka metlha le go bo tlhagafalela, gantsi o feleletsa e le mmoledi yo o kgonang go thusa batho mo bodireding. (Dia 22:6; Baf 3:16) Fa tlase fano, go na le dikakantsho tse re ka di dirisang go thusa motho yo re ithutang Baebele le ene gore a dire jalo:

• Fa motho yo o ithutang Baebele le ene a nna mmoledi, simolola ka yone nako eo go mo katisa. (km 8/15 1) Mmontshe botlhokwa jwa go ya bodireding beke le beke. (Baf 1:10) Se bue dilo tse di bosula ka batho ba tshimo e lo e berekang. (Baf 4:8) Mo kgothaletse gore a bereke le molebedi wa setlhopha sa gagwe le baboledi ba bangwe gore a kgone go ithuta mo go bone.—Dia 1:5; km 10/12 6 ¶3

  

• Fa motho yo o ithutang Baebele le ene a sena go kolobediwa, tswelela o mo kgothatsa le go mo katisa mo bodireding, segolo jang fa a ise a fetse buka ya “Ipolokeng mo Loratong Lwa Modimo.”—km 12/13 7

  

• Fa o tsamaya le mmoledi yo o simololang go ya tshimong, dirisa puisano e e motlhofo. Mo akgole fa a sena go bua le motho mo tshimong. Mo neye dikakantsho tse di ka mo thusang go tokafatsa mo bodireding.—km 5/10 7