A e Ne e Tlhamilwe?

Tsela ya Serurubele ya go Bona Kwa se Yang Gone

◼ Se dirisa boboko jo bo lekanang le ntlhana ya pene fela, serurubele sa monarch se kgona go fuduga bokgakala jwa dikilometara di le 3 000 go tswa kwa Canada go ya kwa sekgweng se sennye se se kwa Mexico. Tshenekegi eno e bona jang tsela ya yone?

Ela tlhoko: Dirurubele tseno di na le kompase e e di kaelang e e ikaegileng ka gore letsatsi le fa kae. Mme gone, go na le se se fetang seo. Ditshenekegi tseno gape di dirisa tsela e nngwe e e gakgamatsang ya go boloka nako ya letsatsi lotlhe go dira gore di kgone go tsamaisana le motsamao wa letsatsi. Dr. Steven Reppert yo e leng moitse wa ditshika tsa boboko a re dirurubele tseno di na le “tsela ya go itse nako e e farologaneng gotlhelele le ya ditshenekegi tse dingwe le diphologolo tse dingwe tse go setseng go ithutilwe ka tsone.”

Go ithuta mo go oketsegileng ka tsela e dirurubele tseno tsa monarch di bolokang nako ka yone go tla thusa baitsesaense gore ba ithute mo go oketsegileng ka tsela e diphologolo le batho ba bolokang nako ka yone. Gape e ka thusa le ka dikalafi tse disha tsa mathata a boboko. Reppert a re: “Ke batla go tlhaloganya gore boboko bo amogela jang tshedimosetso malebana le nako le lefaufau mme serurubele seno ke sekai se se molemo.”

O akanya eng? A tsela e e raraaneng ya serurubele sa monarch ya go bona kwa se yang gone e itiragaletse fela? Kgotsa a ke bosupi jwa go re go na le Motlhami yo o botlhale thata?

[Setshwantsho/Mmapa mo go tsebe 10]

(Go bona mokwalo o o feletseng, leba kgatiso)

Serurubele sa “monarch” se kgona go fuduga go fitlha mo e ka nnang dikilometara di le 3 000 go tswa kwa Canada go ya kwa sekgweng se sennye sa kwa Mexico

[Mmapa]

CANADA

UNITED STATES OF AMERICA

MEXICO

MEXICO CITY

[Motswedi wa Setshwantsho mo go tsebe 10]

Background: © Fritz Poelking/age fotostock