LAEBORARI YA MO INTERNET
Watchtower
LAEBORARI YA MO INTERNET
Setswana
š
  • ê š ô Ê Š Ô
  • BAEBELE
  • DIKGATISO
  • DIPOKANO
  • g 1/11 ts. 3
  • A Bodumedi bo Rotloetsa Kagiso?

Ga go na bidio mo karolong eno.

Tshwarelo, bidio eno ga e kgone go tlhaga.

  • A Bodumedi bo Rotloetsa Kagiso?
  • Tsogang!—2011
  • Ditlhogwana
  • Tse di Tsamaisanang le Setlhogo Seno
  • Hisitori ya Tirisodikgoka mo Bodumeding
  • Go Lwela Lefelo le le “Boitshepo”
    Tora ya Tebelo E Itsise Bogosi Jwa ga Jehofa—1999
  • A Bodumedi bo Kgotsofaditse Ditlhokafalo tsa Rona?
    Tora ya Tebelo E Itsise Bogosi Jwa ga Jehofa—1987
  • Lebaka La go Bo Bodumedi Jwa Lefatshe bo Tlile go Fela
    Tora ya Tebelo E Itsise Bogosi Jwa ga Jehofa—1996
  • A Bodumedi bo Molato?
    Tsogang!—2011
Bona Ditlhogo Tse Dingwe
Tsogang!—2011
g 1/11 ts. 3

A Bodumedi bo Rotloetsa Kagiso?

LE FA bangwe ba tlotlomatsa kereke ya Church of the Holy Sepulchre ya kwa Jerusalema ba re e boitshepotshepo mo madumeding a ipitsang a Bokeresete, e ile ya nna lefelo la dikgotlhang le letlhoo. Go dumelwa gore kereke eo ke lefelo le “Keresete a tshwanetseng a bo a ile a bolokwa gone a bo a tsosediwa gone.” Le fa go ntse jalo, lefelo leno le le tlotliwang thata gape le ile la nna lefelo la dingangisano di le dintsi tse di tletseng tirisodikgoka. Baitlami le baperesiti ba ba tswang mo ditumelong di le thataro tse di farologaneng tsa “Bokeresete” ba ile ba tlhaselana malebana le kgang ya gore ke bomang ba ba nang le tshwanelo ya go dirisa kereke. Dikgogakgogano di nnile tsa etegela mo dingwageng tsa bosheng. Mapodisi a a tshwarang ditlhobolo go thibela dikhuduego, a ile a tshwanela ke go tsereganya le go tsaya marapo a go laola kereke ka nakwana.

Hisitori ya Tirisodikgoka mo Bodumeding

Ditiragalo tsa kwa kerekeng ya Church of the Holy Sepulchre ke karolo ya hisitori ya bogologolo ya tshololo ya madi le kgailo e e amanngwang le go tlhoafalela bodumedi. Buka ya Violence in God’s Name, fa e tlotla ka dikgogakgogano tsa bosheng tse di nnileng gone mo dikarolong tse di farologaneng tsa lefatshe, e bolela jaana: “Go tswa kwa Indonesia go ya kwa Bokone jwa Ireland, go tswa kwa Botlhabagare go ya kwa Kashmir, go tswa kwa India go ya kwa Nigeria, go tswa kwa Dinageng tsa Balkan go ya kwa Sri Lanka, Bakeresete, Babuda, Bajuda, Bahindu, Bamoseleme le Ba-Sikh ba buelela tirisodikgoka ya bone ka gore ke tsela ya go sireletsa bodumedi jwa bone le dilo tse di amanang le jone.”

Le fa go ntse jalo, madumedi a le mantsi a dumela gore kagiso le kutlwano ke dilo tsa konokono tsa tumelo ya one. Go ralala dingwaga, melaometheo ya go intsha setlhabelo e e jaaka go rata moagelani le go nna boitshepo ga botshelo jwa motho di ile tsa buelelwa thata ke bodumedi. Ka jalo, a bodumedi ga bo a tshwanela go di goga kwa pele mo go rotloetseng kagiso? Baobamedi ba ba peloephepa ba dira sentle go sekaseka potso eno.

    Dikgatiso Tsa Setswana (1978-2026)
    Tswa
    Tsena
    • Setswana
    • Romela
    • Tse O ka Di Tlhophang
    • Copyright © 2025 Watch Tower Bible and Tract Society of Pennsylvania
    • Melawana ya Tiriso
    • Molawana wa Tshireletsego
    • Di-setting Tsa Websaete
    • JW.ORG
    • Tsena
    Romela