Pulusinga Ako

TAUMUʻA ʻO E KUPU AKÓ

KUPU AKO 1, 2 PEESI 3-12

ʻOku ʻomai ʻi he ongo kupu ko ení ʻa e ngaahi ʻuhinga lelei ki hono ngāueʻaki ʻa e akonaki ʻa Sihova fekauʻaki mo e nofo malí. ʻOkú na fakalahi ai ʻetau houngaʻia ki he meʻaʻofa ʻa e ʻOtuá ʻo e nofo malí. ʻIkai ko ia pē, ʻokú na fakahā mai ʻa e ʻuhinga ʻoku mātuʻaki mahuʻinga ai ke maʻu ha vakai fakatuʻamelie ki ha nofo mali faingataʻaʻia pea ʻoku fakahaaʻi ai ko hono ngāueʻaki ʻa e akonaki Fakatohitapú ʻe lava ke iku ia ki he fiefia ʻi he nofo malí.

KUPU AKO 3 PEESI 17-21

ʻOku sivisiviʻi ʻi he kupu ko ení ʻa e ngaahi founga ʻoku hoko ai ʻa Sihova ko e Tokotaha-Tauhi-Taimi Lahí. Ko e meʻa ʻoku lāulea ki aí ʻe fakaivimālohiʻi ai ʻetau tui kiate iá pea ki heʻene Folofolá, ʻa e Tohi Tapú. ʻE toe fakaivimālohiʻi foki ai ʻetau fakapapau ke ngāueʻaki fakapotopoto hotau taimí lolotonga ʻetau tatali loto-falala ki he fakamoʻui ʻa Sihová.

KUPU AKO 4 PEESI 23-27

Neongo ʻoku tau ʻofa ki he ʻOtuá, ko kitautolú ʻoku tau taʻehaohaoa. Kae kehe, ʻoku tau holi ke tapua atu ʻa e lāngilangi ʻo Sihová. Ko e kupu ko ení ʻoku fakamatala ai ki he founga ʻe malava ai ení. ʻOku fakahaaʻi ai ʻa e meʻa kuo pau ke tau fai koeʻuhí ke faʻifaʻitaki ai ki he ʻOtuá pea fakahōifuaʻi iá. (ʻEf. 5:1) ʻOku toe fakahaaʻi ai foki ʻa e founga ʻe lava ke tau hanganaki fakalāngilangiʻi ai iá.