Ngaahi Fakataha Ngāue ki Sune
Uike Kamata Sune 5
Hiva 212
12 min: Ngaahi fanongonongo fakalotofonua mo e Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamanatu ʻa e ngaahi ngāue ʻe hoko maí; fakamanatu ki he tokotaha kotoa ke kau faivelenga ʻi he ngāue fakamalangá, maʻu ʻa e ngaahi fakatahá, pea ʻomai ʻa e ngaahi lipootí.
15 min: “ʻOku Foaki Ivi ʻa Sihova.” Fehuʻi mo e tali. Lave ki he ngaahi meʻa naʻe hokosia ʻi he Watchtower ʻo Fepueli 1, 1992, peesi 32.
18 min: “Ko Hono Tuʻuaki ʻo e Tohi ‘Fāʻūtaha ʻi he Lotú.’” Fetalanoaʻaki mo e kau fanongó. ʻAi ha fakahāhā ʻe ua ʻo fakahaaʻi ai ʻa e anga hono ngāueʻaki ʻa e ngaahi fokotuʻu kuo fokotuʻu atú. Fakakau atu ki ai mo e ngaahi fokotuʻu nounou ʻe niʻihi ʻo fekauʻaki mo e founga hono fai ha toe ʻaʻahi, hoko atu mo hono tufaki ʻo e Ongoongo ʻo e Puleʻangá ʻi he lolotonga ʻo ʻEpeleli mo Mē.
Hiva 151 mo e lotu tuku.
Uike Kamata Sune 12
Hiva 157
10 min: Ngaahi fanongonongo fakalotofonua. Fakamatala paʻanga.
17 min: “Ko Kalaisi ko ha Faʻifaʻitakiʻanga ki he Toʻutupú.” Fehuʻi mo e tali. Fakakau atu ki ai mo e ngaahi tali mei he Taua Leʻo ʻo Maʻasi 1, 1987, peesi 4-6.
18 min: “Tokoniʻi Kinautolu ʻOku ʻIkai ha Tuí.” ʻOku fakamanatu ʻe he faiako ʻi he Ako Tohi ʻa e Fakatahaʻangá ʻa e kupú ni mo e kau malanga ʻe toko ua pe tolu pea toki fetalanoaʻaki ki he founga hono ngāueʻaki ʻa e fakamatalá. Te nau ʻahiʻahi ia ʻaki hono fai ha ngaahi fakahāhā ʻiate kinautolu.
Hiva 149 mo e lotu tuku.
Uike Kamata Sune 19
Hiva 133
10 min: Ngaahi fanongonongo fakalotofonua. Fai ha fakahāhā ʻe ua pe tolu ki hono tuʻuaki nounou ʻo e makasini ʻa ia ʻe ngāueʻaki nai ʻi he ngāue fakamalangá ʻi he uiké ni.
18 min: Fakahāhā ʻa e Houngaʻia ki he Niʻihi Kehé. Malanga ke fai ʻe ha mātuʻa, fakatuʻunga ʻi he Watchtower ʻo Tīsema 1, 1994, peesi 28-30. Fakamamafaʻi ʻa e fiemaʻu ke fakahā ʻa e fakaʻapaʻapa mo e tokanga angaʻofa ki he niʻihi kehe ʻi he fakatahaʻangá.
17 min: “Ngāueleleiʻaki Ho Taimí.” Fehuʻi mo e tali. ʻI he fekauʻaki mo e taimi ʻoku fakamoleki ʻi he mamata TV, fakamanatu ʻa e ngaahi fokotuʻu ʻi he kaveinga tokoni “ʻAi ke Mapuleʻi,” ʻi he peesi 11 ʻo e Awake! ʻo Mē 22, 1991.
Hiva 162 mo e lotu tuku.
Uike Kamata Sune 26
Hiva 32
15 min: Ngaahi fanongonongo fakalotofonua. Fetalanoaʻaki nounou ki he mahuʻinga hono fai ʻa e ngaahi toe ʻaʻahí. Ko e konga lahi ʻo ʻetau ngāue fakafaiakó ʻoku fai ia ʻi heʻetau toe ʻaʻahi ke fakatupulekina ʻa e mahuʻingaʻiá. Ko e kakai tokosiʻi pē te nau lava ke fakalakalaka fakalaumālie ʻi hono tuku atu pē ʻa e tohí. ʻI he ʻikai ke tau fai ʻa e ngaahi toe ʻaʻahí, ʻoku ʻikai leva ke tau maʻu hotau faingamālie lelei tahá ke tokoni kiate kinautolu. Ko e toe ʻaʻahí ʻoku maʻu ai ʻa e ngaahi ako Tohitapú. Ko e kau malanga tokolahi kuo nau maʻu ʻa e ngaahi ola lelei tahá ʻaki ʻenau toe ʻaʻahi ʻi he hili ha ʻaho ʻe taha pe ua kae ʻikai ko e tatali ki ha uike.—Sio ki he tohi Our Ministry, peesi 88-89.
15 min: Puha Fehuʻi. Fehuʻi mo e tali ke fai ia ʻe he faiako Ako Taua Leʻo. Fai ha toe ngaahi fakamatala fakatuʻunga ʻi he School Guidebook, peesi 91-92.
15 min: Fakamanatu ʻa e tohi ke tuʻuaki ʻi Siulaí. Fetalanoaʻaki ki he ngaahi meʻa mahuʻinga ʻi he ngaahi polosiua ʻoku maʻu ʻi he sitoka ʻa e fakatahaʻangá. ʻAi ha kau malanga ke fakahāhā nounou ʻa e founga ke ngāueʻaki ai ʻi hono tuʻuaki atu ʻi he matapaá. Ko e Fakatātaá: ʻI he Mate ha Taha ʻOkú Ke ʻOfa Ai. (Fai ha tokanga ki he ngaahi fehuʻi ʻe langaʻi hake ʻi he peesi 2, pea toki fai ha fakamatala ʻe taha pe ua ʻi he ngaahi tefitoʻi fakakaukau Fakatohitapu fakafiemālie ʻoku maʻu ʻi he peesi 31.) ʻAi ke ʻilo ʻe he fakatahaʻangá pe ko e hā ʻa e ngaahi polosiua ʻoku lolotonga ʻi he sitoká.
Hiva 222 mo e lotu tuku.