Ngaahi Fakataha Ngāue ki Mē
Uike Kamata Mē 6
Hiva 135
10 min: Ngaahi fanongonongo fakalotofonua. Fakamanatu “Ko e Hā ʻa Hoʻo Ngaahi Fokotuʻutuʻu ki he Ngaahi Māhina Hoko Maí?”
15 min: “Ke ʻAufuatō!” Fehuʻi mo e tali. Fakatatau ki he taimí, fakakaukau atu ki he “Ngaahi Poini ke Fetalanoaʻaki ki Ai ko ha Fāmili,” ʻi he Watchtower ʻo ʻOkatopa 15, 1981, peesi 25.
20 min: “Leaʻaki ʻa e Moʻoní ki Ho Kaungāʻapí.” Fehuʻi mo e tali. Fakamanatu ʻa e ngaahi tuʻuaki kuo fokotuʻu maí. Fakalototoʻaʻi ʻa e faʻahinga foʻoú ke kau ki hono tufaki ʻa e makasiní, ʻo ngāueʻaki ha ngaahi tuʻuaki nounou ke kamataʻaki. ʻAi ha ongo fakahāhā ʻe ua ʻa ia ʻe fakakau atu ki ai hono ʻohake ʻa e fakamatala ʻi he peesi 2 ʻo e Taua Leʻo: “Ko hono pulusi ʻo e Ko e Taua Leʻo ko e konga ia ʻo ha ngāue fakaeako Tohitapu ʻi māmani lahi ʻa ia ʻoku poupouʻi ʻaki ʻa e ngaahi tokoni loto-fiefoaki.” ʻOku mau fiefia ke tali ha kiʻi tokoni feʻunga mei he kakai ʻoku nau fiefia ʻi hono lau ʻa e ngaahi makasiní.
Hiva 113 mo e lotu tuku.
Uike Kamata Mē 13
Hiva 162
7 min: Ngaahi fanongonongo fakalotofonua. Fakamatala paʻanga.
18 min: “ʻOku ʻIkai Hano Tatau ʻa e Ngaahi Meʻa Fakalaumālie ʻOku Tau Maʻú!” Fehuʻi mo e tali. ʻAi ha kau malanga ʻe toko ua pe tolu, kau ai ha taha ʻi he toʻutupú, ke nau lave ki he niʻihi honau ngaahi tāpuakí. Fakaʻosiʻaki ʻa hono fakahā ʻa e founga ʻoku ueʻi ai kitautolu ʻe he houngaʻia lahi ange ke ngāue faivelenga ʻi he ngāue toputapú.
20 min: Ngaahi fiemaʻu fakalotofonua. Pe malanga makatuʻunga ʻi he “Sio Fakalaka Atu mei he Ngaahi Meʻa ʻOkú Ke Sio ki Aí,” ʻoku toʻo mei he Taua Leʻo ʻo Maʻasi 1, 1996, peesi 19-21.
Hiva 151 mo e lotu tuku.
Uike Kamata Mē 20
Hiva 32
10 min: Ngaahi fanongonongo fakalotofonua. Fakamanatu ʻa e ngaahi fokotuʻutuʻu ki he ngāue fakamalangá. Fakalototoʻaʻi kotoa ke kau ki hono tufaki ʻo e makasiní.
15 min: “Hanganaki Leaʻaki ʻa e Moʻoní.” Fakamamafaʻi ʻa e fiemaʻu ke fai ʻa e ngaahi toe ʻaʻahí, mo e taumuʻa ke kamata ha ngaahi ako. Tuʻuaki ʻa e ngaahi tukuhaú ki he faʻahinga ʻoku hā mei ai ha mahuʻingaʻia moʻoní. ʻAi ha ongo fakahāhā nounou ʻe ua.
20 min: Ngaahi fiemaʻu fakalotofonua. Pe malanga makatuʻunga ʻi he “Ko e Ngaahi Pale ʻo e Kītakí,” ʻoku toʻo mei he Watchtower ʻo ʻAokosi 1, 1995, peesi 25-29.
Hiva 207 mo e lotu tuku.
Uike Kamata Mē 27
Hiva 149
5 min: Ngaahi fanongonongo fakalotofonua.
15 min: Tuʻuaki ʻa e Ongo Tohi Family Life pe ʻIló ʻi he Lolotonga ʻo Suné. Ko e ʻovasia ngāué te ne ʻuluaki fakamatala ki he ʻuhinga naʻe pulusi ai ʻa e ongo tohi Family Life mo e ʻIló. Te ne toki fakamanatu foki ha niʻihi ʻo hono ngaahi meʻa mahuʻingá mo ha kau malanga taau ʻe toko ua pe tolu. ʻOku ʻomai ʻe he tohi Family Life ha tataki lelei ki hono maʻu ha fāmili fiefia ʻi he ngaahi taimi faingataʻa ko ʻení. Ko e tohi ko e ʻIló ʻokú ne tali ʻa e ngaahi fehuʻi fekauʻaki mo hotau kahaʻú, faingataʻaʻia ʻa e faʻahinga ʻo e tangatá, Puleʻanga ʻo e ʻOtuá, ʻulungaanga fakaʻotuá, moʻui fakafāmilí, pea mo e ngaahi ʻaonga ʻo e lotú. Ko ha ongo toko ua ʻi he kulupú ke na fakahāhā ha tuʻuaki ʻa ia ʻe lava ke ngāueʻaki ke kamata ha ako ʻi he ʻuluaki ʻaʻahí pe ʻi he toe ʻaʻahí. Pea ʻe toki fakamatalaʻi leva ʻe he ʻovasia ngāué ʻa e ngaahi poini hokó. ʻOku ʻi ai ha fiemaʻu ke fai ha ngaahi ako Tohitapu ola lelei lahi ange ʻi ha vahaʻa taimi nounou ange. Ko e tohi ko e ʻIló naʻe faʻu fakatefito ia ki he taumuʻa ko iá. ʻOkú ne ʻoatu ʻa e moʻoní ʻi ha founga pau mo nounou. ʻOku ʻi ai ʻa e ngaahi fehuʻi ʻi he palakalafi taki taha, pea pehē pē ki he ngataʻanga ʻo e vahe kotoa pē, ke tokoniʻi kitautolu ke hangataha ki he ngaahi poini tefitó. ʻI he tohí ni ʻoku ʻi ai ʻa e ngaahi tali ki he ngaahi fehuʻi ʻoku ʻeke ʻe he faʻahinga fakatapui foʻou ʻoku nau loto ke papitaisó. Fakalototoʻaʻi kotoa ke ngāue ki he taumuʻa ke kamata ha ngaahi ako ʻi Sune.
10 min: Puha Fehuʻi. Lau pea fetalanoaʻaki mo e kau fanongó.
15 min: “ʻOkú Ke Fuʻu Femoʻuekina?” Fehuʻi mo e tali. Fakatatau ki he taimí, fakakau atu ki ai mo e ngaahi fakamatala mei he Awake! ʻo Sune 8, 1990, peesi 14-16. ʻAi ha tokotaha malanga ʻe taha pe ua ke lave nounou ki he meʻa naʻá na fai ke lavameʻa ai ʻi he fekuki mo ha taimi-tēpile fakateokalati moʻumoʻua.
Hiva 113 mo e lotu tuku.