Ngaahi Fakataha Ngāue ki Sepitema
Uike Kamata Sepitema 2
Hiva 98
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
15 min: “ʻAʻeva ʻi he Tuí.” Fehuʻi mo e tali.
20 min: “Tuʻuaki ʻa e Ongoongo Leleí ʻo Ngāueʻaki ʻa e Tohi Moʻui Fakafāmilí.” Fai ha fakamatala kamata ʻo makatuʻunga ʻi he palakalafi 1. Pea lave foki ki he palakalafi 2-5 ʻo e kupú. Fakahāhaaʻi ʻa e tuʻuaki ʻosi teuteuʻi lelei ʻa ia ʻe hā ai ʻa e founga ke tuʻuaki ai ʻa e tohi Moʻui Fakafāmilí, fai ha toe ʻaʻahi, pea kamata ha ako ʻi he tohi ko e ʻIlo. Fai ha fakamanatu ʻo kau ki he fokotuʻutuʻu ʻo hono fai ha tokoní.
Hiva 48 mo e lotu tuku.
Uike Kamata Sepitema 9
Hiva 113
12 min: Ngaahi fanongonongo fakalotofonua. Fakamatala paʻangá. Fakamatala ʻa e “Malangaʻi ʻo e Puleʻangá.”
18 min: Fakamanatu ʻa e Līpooti Ngāue Fakataʻu ʻa e Fakatahaʻangá ki he 1996. Malanga fakatupu langa hake fakalotomāfana ke fai ʻe he ʻovasia ngāué. (Sio ki he tohi Our Ministry, peesi 100-102.) Fakahā ʻa e ngāue lelei naʻe fai ʻe he fakatahaʻangá, pea fai hano fakaongoongoleleiʻi. Fakahā ʻa e founga ʻoku tokoni lahi ai ʻa e ngāue ʻoku fai ʻe he kau tāimuʻa tuʻumaʻu mo tokoní ki he ngāue fakalotofonuá. Lave ki he ngaahi fika ʻo e kau maʻu fakatahá, fakamamafaʻi ʻa e mahuʻinga ʻo hono maʻu maʻu pē iá. Lave ki ha ngaahi taumuʻa ʻaonga ʻe lava ke feinga ʻa e fakatahaʻangá ke aʻusia ʻi he taʻu ka hoko maí.
15 min: “Tuʻuaki ʻa e Ongoongo Leleí ʻo Ngāueʻaki ʻa e Tohi Moʻui Fakafāmilí.” Fakamanatu pē ʻa e palakalafi 6-8, pea fakahāhaaʻi ʻa e ngaahi tuʻuakí mei he falekoloa-ki-he-falekoloa ʻi he ʻuluaki ʻaʻahí pea mo e toe ʻaʻahí. Fakalototoʻaʻi kotoa ke fai leva he vave tahá ʻenau ngaahi toe ʻaʻahí.
Hiva 123 mo e lotu tuku.
Uike Kamata Sepitema 16
Hiva 56
15 min: Ngaahi fanongonongo fakalotofonua. Lave ki he ngaahi ola lelei mei hono ngāueʻaki ʻa e vitiō ko e Jehovah’s Witnesses—The Organization Behind the Name ke tataki mai ʻaki ʻa e faʻahinga mahuʻingaʻiá ki he kautahá. Lave nounou ki he meʻa naʻe hokosia ʻe taha pe ua mei he Watchtower ʻo ʻOkatopa 1, 1992, peesi 30-31.
15 min: “Hoko ko e Faʻifaʻitakiʻanga ʻi he Leá pea ʻi he ʻUlungaangá.” Fehuʻi mo e tali.
15 min: ʻUlungaanga ʻo e Kalisitiané ʻi he Akoʻangá. Ko e talanoa ʻa ha tamai ki hono foha pe ʻofefine ʻo ʻohake ai ʻa e ngaahi tauhele lahi ʻi he ʻātakai ʻo e akoʻangá; ʻokú ne fakamamafaʻi ʻa e fiemaʻu ke tokanga ki he feohí pea ke fakaʻehiʻehi mei he ngaahi ngāue ʻoku ala fehuʻiá. ʻOkú ne fakamanatu ʻa e puha ʻi he peesi 24 ʻo e polosiua Education peá ne fakamatalaʻi ʻa e fiemaʻu ke fokotuʻu ha faʻifaʻitakiʻanga lelei ko ha tokotaha Fakamoʻoni. ʻOku lave ʻa e tamaí ki he ngaahi ʻahiʻahi ʻe niʻihi ʻoku hoko fekauʻaki mo hono ngāueʻaki ʻa e faitoʻo kona tapú, faisoó, kau ki he ngaahi fakatahataha fakasōsialé, pe kau ʻi he ngaahi sipotí; ʻoku nau fetalanoaʻaki ki he founga ke fakaʻehiʻehi ai mei he ngaahi palopalemá. ʻOku fakalototoʻaʻi ʻe he tamaí ʻa e talavoú ke ʻoua ʻe toloi hono tala ange kiate ia ʻa e taimi ʻoku hoko ai ʻa e ngaahi faingataʻá—ʻokú ne fiemaʻu ke ʻilo ki ai pea fai ha tokoni.
Hiva 32 mo e lotu tuku.
Uike Kamata Sepitema 23
Hiva 172
10 min: Ngaahi fanongonongo fakalotofonua. Tuʻuaki ʻa e ngaahi fokotuʻu ʻi he founga ke lave ai ki he fokotuʻutuʻu ʻo hono fai ʻa e tokoní ʻi hono tuʻuaki ʻa e ngaahi tohí, ʻo fakakau atu ki ai ʻa e meʻá ni: “Ko ʻemau tohí ʻoku tufa taʻetotongi, ka ʻoku mau tali pē ha ngaahi tokoni siʻisiʻi ke tokoni ki heʻemau ngāue ʻi māmani lahí.” “Ko e tokolahi ʻoku nau ʻeke fekauʻaki mo e founga ʻoku lava ke mau tufa ai ʻa e ngaahi tohí ʻo ʻikai hano totongí; ʻoku mau fiefia ʻi he faʻahinga ko ia ʻoku nau houngaʻia ʻi hono mahuʻingá ʻo nau foaki ha tokoni siʻisiʻi ki heʻemau ngāue ʻi māmani lahí.” “Ko ʻemau ngāué ʻoku poupouʻiʻaki ia ʻa e ngaahi tokoni loto-fiefoaki. Ko e kakai tokolahi ʻoku nau fiefia ke lau ʻemau ngaahi tohí pea fai ha tokoni siʻisiʻi ke poupou ki he ngāue fakaeako Tohitapú ni.” (Sio ki he ʻEtau Ngāue Fakafaifekau ʻo e Puleʻanga ʻo Tīsema 1993, peesi 5.) Fakamatalaʻi ʻa e ʻuhinga ʻoku mahuʻinga ai ke tuku ki he faʻahinga mahuʻingaʻiá ha faingamālie ke tokoni ki hono poupouʻi ʻa ʻetau ngāue mahuʻingá.
15 min: Ngaahi fiemaʻu fakalotofonuá. Pe ko ha malanga makatuʻunga ʻi he “Sio Fakalaka Atu mei he Ngaahi Meʻa ʻOkú Ke Sio ki Aí!” ʻi he Taua Leʻo ʻo Maʻasi 1, 1996, peesi 19-21.
20 min: “Malangaʻi ʻa e Ongoongo Leleí ʻi he Feituʻu Kotoa Pē.” Fehuʻi mo e tali. Fai ʻa e palakalafi 1-15. Lau ʻa e palakalafi 3 mo e 5. Fakakau atu ki ai mo e ngaahi meʻa naʻe hokosia fakalotofonua ʻe ha faʻahinga naʻa nau lavameʻa ʻi he faifakamoʻoni ʻi he halá pe tauʻanga meʻalele maʻá e kakaí.
Hiva 151 mo e lotu tuku.
Uike Kamata Sepitema 30
Hiva 14
12 min: Ngaahi fanongonongo fakalotofonua. Fetalanoaʻaki ʻi he Puha Fehuʻí.
20 min: “Malangaʻi ʻa e Ongoongo Leleí ʻi he Feituʻu Kotoa Pē.” Fehuʻi mo e tali. Fai pē ʻa e palakalafi 16-35. Fakahaaʻi ʻa e founga ʻe lava ke ngāueʻaki fakalotofonua ai ʻa e ngaahi fokotuʻú. Fakahāhaaʻi ʻa e palakalafi 23-25. Lau ʻa e palakalafi 34-35.
13 min: Fakamanatu ʻa e Tohi ke Tuʻuaki ʻi ʻOkatopá. Te tau fakaʻaliʻali ʻa e ongo makasini Taua Leʻo mo e Awake! ʻE lava ke tuʻuaki ʻa e ngaahi tukuhaú ʻi he ngaahi toe ʻaʻahí. Fetalanoaʻaki ʻi he ngaahi poini kehekehe, hangē ko e: (1) Ko e taumuʻa ko ia naʻe pulusi ai ʻa e ongo makasiní, ʻo hangē ko ia ʻoku fakamatalaʻi ʻi he ngaahi peesi kamatá. (2) ʻOku pulusi kinautolu ʻi he ngaahi lea lahi, ʻo ʻai ai ke ala maʻu ʻi māmani lahi ʻa e ʻilo ʻo e Tohitapú. (3) Naʻe faʻu ʻa e Taua Leʻo ki he ako fakatāutahá, fakafāmilí, pea mo e ako fakakulupú. (4) ʻOku lau ia ʻe he kakai ʻoku nau feohi mo e ngaahi lotu lahi kehekehe. (5) Te tau tufaki fakafoʻituitui atu ʻa e ngaahi tatau fakamuimuí ki he faʻahinga ʻoku nau fiemaʻu loto-totonu ke lau iá. (6) ʻOku faʻu fakatefito ia maʻá e kakai ʻoku femoʻuekiná. (7) Naʻe pulusi ʻa e Taua Leʻo talu mei he 1879; ko e Awake! talu mei he 1919. (8) ʻOku tau tufaki ia ʻo ʻikai ha totongi. (Sio ki he Taua Leʻo, peesi 2; Awake!, peesi 4.) Fakakau atu ki ai ʻa e ngaahi fakamatala naʻe lave ki ai ha tokotaha lautohi houngaʻia.—Sio ki he Watchtower ʻo ʻEpeleli 15, 1986, peesi 32.
Hiva 27 mo e lotu tuku.