Ngaahi Fakataha Ngāue ki Sune
Uike Kamata Sune 1
Hiva 48
8 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Ongoongo Fakateokalati.
15 min: “Kuo ʻOsi Sāuni ki he Ngāue Lelei Fulipe.” Fehuʻi mo e tali. Fai ha fakamatala nounou ʻi he Watchtower ʻo Fepueli 15, 1989, peesi 22-24.
22 min: “Faifakamoʻoni ki he ‘Kakai Kotoa Pe.’” Fakamatalaʻi ʻe ha tokotaha mātuʻa ʻo pehē neongo ko e tuʻuaki ki Suné ko e tohi Ko Hono ʻAi Hoʻo Moʻui Fakafāmilí ke Fiefia, ka ʻo kapau ʻoku fakapotopoto ke tuʻuaki ʻa e tohi Mankind’s Search for God ki ha kakai pau, ʻe lava ke tau fai pehē. Ko ha tokotaha mātuʻa mo ha kau malanga kehekehe ʻoku nau lāulea ki he ngaahi tuʻuaki ʻoku fokotuʻu maí. Fakamanatu nounou ʻa e ngaahi lotu ʻoku fetaulaki mo ia fakalotofonuá, pea fakamatalaʻi ʻa e ʻuhinga ʻoku totonu ai ke ʻi ai ha meʻa ʻi heʻetau fakakaukau ke kamata ha fetalanoaʻaki ʻi he tuʻunga taki taha. ʻAi ha fakahāhā nounou ʻe taha pe ua.
Hiva 149 mo e lotu tuku.
Uike Kamata Sune 8
Hiva 27
10 min: Ngaahi fanongonongo fakalotofonua. Fakamatala paʻangá.
15 min: “Ko Hono Tokangaʻi ʻa e Ngaahi Koloa ʻa e ʻEikí.” Malanga ke fai ʻe ha tokotaha mātuʻa, ʻo fakamatalaʻi ʻa e fakalahí.
20 min: “ʻOku Fiemaʻu Kitautolu Kotoa kae Lava ʻa e Ngāué.” Fehuʻi mo e tali. Fakamatalaʻi ʻa e ʻuhinga ʻoku fakafalala ai ʻa e kau mātuʻá ki he kau ngāue pole loto-lelei tokolahi ke fai ʻa e ngaahi meʻa ʻoku fiemaʻú. Fakamanatu ʻa e ngaahi fiemaʻu fakalotofonuá, hangē ko hono fakamaʻa ʻa e Fale Fakatahaʻangá mo hono tauhí, tokoniʻi ʻa e kau puké mo e kau taʻumotuʻá, pea ngāueʻi ʻa e feituʻú. Fakaafeʻi ʻa e kau mātuʻá ke nau fakamatalaʻi ʻa e founga ʻoku nau houngaʻia ai ʻi he tokoni loto-lelei ʻoku fai ʻe he tokolahi. Fakamamafaʻi ʻa e founga ʻoku fiemaʻu lahi ai ʻa e feinga ʻa e tokotaha taki taha.
Hiva 135 mo e lotu tuku.
Uike Kamata Sune 15
Hiva 151
10 min: Ngaahi fanongonongo fakalotofonua.
20 min: ʻOku Fakakonahi Koe ʻe he Laumālie ʻo e Māmaní? Malanga ke fai ʻe ha tokotaha mātuʻa ʻo makatuʻunga ʻi he Watchtower ʻo ʻOkatopa 1, 1997, peesi 25-29.
15 min: “Faifakamoʻoni ʻAki ʻa e ʻUlungaanga Lelei.” Fehuʻi mo e tali. Fakaʻekeʻeke ha toʻutupu alafaʻifaʻitakiʻanga ʻe niʻihi. ʻOku nau tala mai ai ʻa e founga naʻe maongo lahi ai ki he niʻihi ʻa honau ʻulungaanga faka-Kalisitiané. Lave ki he meʻa naʻe hokosia ʻe taha pe ua mei he Watchtower ʻo Sanuali 1, 1995, peesi 24-25.
Hiva 149 mo e lotu tuku.
Uike Kamata Sune 22
Hiva 84
10 min: Ngaahi fanongonongo fakalotofonua. Fakahā ʻa e taimi naʻe kakato ai hono ʻaotitaʻi ʻa e fakamatala paʻanga ʻa e fakatahaʻangá.
15 min: Kuó u Fakamāmālie Hifo? Malanga ke fai ʻe ha tokotaha mātuʻa ʻo makatuʻunga ʻi he Taua Leʻo ʻo ʻEpeleli 1, 1988, peesi 18-19, palakalafi 14-16. Fakalototoʻaʻi ʻa e faʻahinga kuo nau ngāue longomoʻui ʻi he ngaahi taʻu lahi ke nau fakahā ʻa e anga mo e lahi ʻo ʻenau ngāue toputapú.
20 min: Tokoniʻi ʻe he Kau Tāimuʻá ʻa e Niʻihi Kehé. Malanga ke fai ʻe he ʻovasia ngāué, fakamanatu ʻa e fokotuʻutuʻu ke tokoniʻi fakafoʻituitui ʻe he kau tāimuʻá ʻa e niʻihi kehé. Fakamatalaʻi ʻa e founga naʻe kamata ai ʻi he kuohilí ʻa e polokalama tokoní. (jv 100; km 7/79 1, 3) Ko e faʻahinga foʻou laka hake ʻi he toko taha milioná naʻa nau papitaiso ʻi he taʻu ʻe tolu kuohilí ʻoku fiemaʻu ki ai ʻa e akoʻi. Ko e polokalama “Tokoniʻi ʻe he Kau Tāimuʻá ʻa e Niʻihi Kehé” ʻoku fakaʻaongaʻi ai ʻa e taukei mo e akoʻi ʻo e kau tāimuʻa tuʻumaʻu mo makehé ʻa ē naʻa nau kau ki he Akoʻanga Ngāue Tāimuʻá. Ko e taumuʻa ki he tāimuʻa taki taha ke ne tokoniʻi ʻa e tokotaha malanga ʻe toko ua ʻi he taʻu, ke hoko ʻo pōtoʻi ange ʻi he ngāue fakafaifekaú pea ke kakapa atu ke kau lahi ange ki ai. Ko e faʻahinga ʻoku tokoniʻí ʻoku ʻikai ke ʻuhinga ia ke hoko ai ʻo manavasiʻi; ko e fakamamafá ke fai ha fakalototoʻa anga-ʻofa, mo manava-ʻofa. ʻOku tokonaki mai ʻe he polokalama foʻoú ni ha ʻaonga ki he laui kilu ke hoko ko e kau faifekau ola lelei ange.
Hiva 207 mo e lotu tuku.
Uike Kamata Sune 29
Hiva 114
10 min: Fanongonongo. Fakamanatu ki he tokotaha kotoa pē ke ʻomai ʻenau līpooti ngāue fakamalanga ki Suné. Fakamatala ki he ngaahi tohi ke tuʻuaki ʻi Siulaí.
15 min: Ngaahi fiemaʻu fakalotofonua.
20 min: ʻOku Lava ʻe Kitautolu Kotoa ʻo Fai ha Fakamoʻoni ʻi he Founga ʻIkai Anga-Mahení. Malanga mo e fetalanoaʻaki mo e kau fanongó ʻo makatuʻunga ʻi he Taua Leʻo ʻo Siulai 1, 1988, peesi 26-31. Fakahā ʻa e founga ʻoku malava ai ʻe he faʻahinga ʻoku moʻumoʻua ʻi he ngaahi fatongia fakamāmaní, fakafāmilí, pe fakafoʻituituí ke maʻu ʻa e ngaahi faingamālie lahi ʻi he ʻaho kotoa pē ke vahevahe atu ai ʻa e ongoongo leleí ki he niʻihi kehé. Fakakau atu ki ai ha ngaahi meʻa naʻe hokosia fakalotofonua.
Hiva 135 mo e lotu tuku.