Ngaahi Fakataha Ngāue ki Sepitema
Uike Kamata Sepitema 6
Hiva 212
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
17 min: “ʻOkú Ke Ngāue mo ha Taumuʻa?” Fakangatangata ʻa e talateú ki he miniti ʻe taha, pea hoko atu ʻaki ha fetalanoaʻaki ʻi he fehuʻi mo e tali. Fakakau atu mo e ngaahi fakamatala ʻi he tohi Our Ministry, peesi 88-89. Fakalototoʻaʻi ʻa e tokotaha kotoa pē ke huʻufataha mo fakaʻāuliliki ʻi heʻenau ngāue fakafaifekaú.
18 min: “Ngaahi Mātuʻa—Fokotuʻu ha Faʻifaʻitakiʻanga Lelei ki Hoʻomou Fānaú.” Fakamatala nounou ke fai ʻe ha tokotaha mātuʻa, pea hoko atu ʻaki ha fetalanoaʻaki ʻi he kupú mo ha ongo tokoua ko ha ongo mātuʻa tauhi fānau. ʻOkú na fakahaaʻi ʻa ʻena tokanga fekauʻaki mo hono maluʻi ʻena fānaú mei ha ngaahi fasi-ʻa-anga taʻepau ʻoku fakaʻaiʻai kiate kinautolu ʻi he ʻapiakó, ʻi he televīsoné, pe ko ha ngaahi kāinga mo e niʻihi kehe ʻoku ʻikai ko ha Fakamoʻoní. ʻOku lāulea ʻa e ongo tokouá ki ha ngaahi ʻulungaanga taʻefakaʻapaʻapa, lea mo e ngaahi teuteu fakamāmani, pea mo e fakafiefia ʻoku ʻikai ke leleí. ʻI he hili hono fakahā mai ʻa e fiemaʻu ke fokotuʻu ha faʻifaʻitakiʻanga leleí, ʻokú na fetalanoaʻaki ki he ngaahi founga ke langa hake ai ʻa e loto-māfana lahi ange ʻi he ako fakafāmilí, ko e ngaahi fakataha ʻa e fakatahaʻangá, pea mo e ngāue fakamalangá.—Sio ki he Taua Leʻo ʻo Siulai 1, 1999, peesi 8-22, mo e Awake! ʻo Sepitema 22, 1991, peesi 8-9.
Hiva 51 mo e lotu tuku.
Uike Kamata Sepitema 13
Hiva 113
10 min: Ngaahi fanongonongo fakalotofonua. Fakamatala paʻangá.
15 min: Naʻe Fēfē ʻEtau Ngāue he Taʻu Kuo ʻOsí? Ko ha malanga ke fai ʻe he ʻovasia ngāué. Fakamanatu ʻa e ngaahi meʻa mahuʻinga mei he līpooti ʻa e fakatahaʻangá ki he taʻu fakangāue 1999. Fai ha fakaongoongoleleiʻi ʻo e ngaahi meʻa lelei kuo ʻosi fakahokó. Lave ki ha ngaahi tafaʻaki ʻa ia ʻoku fiemaʻu nai ai ha fakaleleiʻi. Tokangataha ki he anga hono fai ʻo e maʻu fakatahá pea mo hono fai ʻo e ngaahi ako Tohitapú ʻe he fakatahaʻangá. Fakamatalaʻi ʻa e ngaahi taumuʻa ʻaonga ki he taʻu ka hoko maí.
20 min: “Ko e Hā Te Ke Leaʻaki ki ha Tokotaha Lotu-Hinitū?” Fehuʻi mo e tali. Fakamamafaʻi ʻa e lelei ʻo hono fokotuʻu ha makatuʻunga ki ha felotoi mo ha tokotaha, pea lave ki ha ngaahi tafaʻaki ʻe ngalingali te tau loto-tatau ai mo ha tokotaha lotu-Hinitū. Fakahaaʻi ʻa e founga ʻe lava ke liliu ai ʻa e ngaahi tuʻuaki kuo fokotuʻu maí ke faifakamoʻoni ai ki he kakai ʻo ha ʻātakai fakalotu pē. Fakahāhaaʻi ha tuʻuaki ʻosi teuteuʻi lelei ʻo e fakamoʻoni ki ha tokotaha lotu-Hinitū. Ki ha fakamatala lahi ange fekauʻaki mo e lotu-Hinituú, sio ki he fakalahi ʻo ʻEtau Ngāue Fakafaifekau ʻo e Puleʻanga ʻo Fepueli 1998; tohi Reasoning, peesi 22; mo e Mankind’s Search for God, vahe 5.
Hiva 212 mo e lotu tuku.
Uike Kamata Sepitema 20
Hiva 162
12 min: Ngaahi fanongonongo fakalotofonua mo e ngaahi meʻa naʻe hokosia ʻi he ngāue fakamalangá.
15 min: Ngaahi fiemaʻu fakalotofonuá.
18 min: Ko Hono Ngāueʻaki ʻa e Ngaahi Tefitoʻi Moʻoni ʻo e Tohitapú ʻi Hono Akonakiʻi ʻo e Fānaú. Neongo ʻoku angaʻaki ʻe he ngaahi mātuʻa Polinisiá ke ngāueʻaki ʻa e ngaahi akonaki fakasino fefeka ki heʻenau fānaú, ʻoku ʻikai ke fehoanaki ʻeni mo e ngaahi tefitoʻi moʻoni ʻo e Tohitapú. Ko e faʻahinga ʻoku hoko ko e kau Kalisitiane moʻoní ʻoku nau ʻai ʻa e “tangata foʻou” pea ʻoku puleʻi heni ʻa e founga ʻoku nau fakafeangai ai ki he fānaú. (Ef. 4:22-24) Fakamamafaʻi ʻa e ngaahi poini ʻi he Taua Leʻo ʻo ʻEpeleli 1, 1998, peesi 17-18, palakalafi 12, 13, mo e ʻuluaki ngaahi poini ʻe fā ʻi he ʻuluʻi kaveinga “Ko e Tangata Foʻou” ʻi he Awake! ʻo Fepueli 8, 1993, peesi 11-12. (Toe sio ki he fl, vahe 10, pal. 5-8, 22-31.) Fakaʻekeʻeke ha faʻē ʻokú ne fakamatalaʻi ʻa e founga ʻoku ueʻi ai ia ʻe he ako ʻa e Tohitapú ke ne liliu ʻene founga akonakí, ʻo ne lave ki he ngaahi tōʻonga fakafonua pau ʻoku kau ki he tautea fakaesino naʻá ne faʻa ngāueʻaki pea mo e founga ʻokú ne fakaleleiʻi ai he taimí ni ʻa e tuʻungá.
Hiva 84 mo e lotu tuku.
Uike Kamata Sepitema 27
Hiva 195
15 min: Ngaahi fanongonongo fakalotofonua. Fakamanatu ki he kau malangá ke nau ʻomai ʻa ʻenau ngaahi līpooti ngāue fakamalanga ki Sepitemá. Fakalototoʻaʻi ʻa e tokotaha kotoa pē ke ne fai ha ngaahi fokotuʻutuʻu ke kau kakato ki hono tufa ʻa e makasiní he lolotonga ʻo ʻOkatopá. Fakamanatu ʻa e ngaahi fokotuʻu ʻe niʻihi ʻoku hā ʻi he ʻEtau Ngāue Fakafaifekau ʻo e Puleʻanga ʻo ʻOkatopa 1996, peesi 8, ʻi he founga ke teuteu ai ʻa e ngaahi tuʻuakí. ʻI hono ngāueʻaki ʻa e ngaahi makasini lolotongá, lave ki ha ngaahi poini fakatupunga talanoa lelei ʻe niʻihi pea fakahāhaaʻi ha tuʻuaki nounou ʻe taha pe ua. Fakahaaʻi ʻa e founga ke lave ai ki he fokotuʻutuʻu ʻo e tokoní ki he tokotaha-ʻapí.
15 min: Puha Fehuʻí. Malanga ke fai ʻe ha tokotaha mātuʻa.
15 min: “ʻOku Fakalahi Atu ʻa e Lotu Moʻoní ʻi ʻIulope Hahake.” Fai ʻe ha tokotaha mātuʻa ʻa e konga fehuʻi mo e talí. Lave ki ha ngaahi meʻa naʻe hokosia pe fakamoʻoni ʻo e tupulaki ʻi he ngaahi fonua ʻokú ne fakafofongaʻí, hangē ko ia ʻoku līpooti ʻi he ngaahi Yearbook fakamuimuí.
Hiva 87 mo e lotu tuku.