“Tuku Mavahe ha Meʻa”

ʻI he muʻaki fakatahaʻanga Kalisitiané, naʻe ʻi ai ha ngaahi fiemaʻu fakamatelie naʻe fiemaʻu ki ai ha tokanga. ʻI he lakalakaimonū ʻa e tokotaha taki taha, naʻe fakaʻaiʻai ia ke ne “tuku mavahe ha meʻa” ko ha tokoni ke feauʻaki ʻa e ngaahi fiemaʻu ko iá. (1 Kol. 16:​1-3, NW) Ko e ola ʻo ʻenau nima-homó, naʻe fiefia ʻa e tokotaha kotoa pē ʻi hono ʻoatu ha “gaahi fakafetai lahi ki he Otua.”​—2 Kol. 9:​11, 12, PM.

ʻI he ʻahó ni, ʻoku fakalahi atu maʻu ai pē ʻa e ngāue ʻi māmani lahi ʻa e kakai ʻa Sihová, ʻo fiemaʻu ai ha poupou fakaepaʻanga lahi ʻaupito. ʻOku feʻungamālie foki ke tau “tuku mavahe [maʻu pē] ha meʻa” ke tokoni ki hono fakalatoʻaki ʻa e fiemaʻú. (2 Kol. 8:​3, 4) ʻOku lava ke fai ʻa e foaki fakamatelié ʻi ha ngaahi founga kehekehe. (Sio ki he Taua Leʻo ʻo Nōvema 1, 2001, peesi 28-29.) ʻOku tau vakai totonu ki he meʻá ni ko ha monū ia ʻokú ne ʻomai ʻa e fiefia moʻoní.​—Ng. 20:35.