Taimi-Tēpile ki he Fakataha Ngāué

Uike Kamata Fepueli 10

Hiva 29 (222)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakalototoʻaʻi ʻa e tokotaha kotoa ke sio ʻi he foʻi vitiō ko e Faithful Under Trials​—Jehovah’s Witnesses in the Soviet Union ʻi he teuteu ki he fetalanoaʻaki ʻi he Fakataha Ngāue ʻo e uike ʻo Fepueli 24. ʻI hono ngāueʻaki ʻa e ngaahi fokotuʻu ʻi he peesi 8, ʻai ha ongo fakahāhā mavahevahe ʻo e founga ke tuʻuaki ai ʻa e Taua Leʻo ʻo Fepueli 15 mo e Awake! ʻo Fepueli 22. ʻI he tuʻunga taki taha, ʻoku totonu ke tuʻuaki tauhoa ʻa e ongo makasiní, neongo ko e taha pē ʻoku lāulea ki aí.

35 min: “Malanga mo Fai ha Fakamoʻoni Fakaʻāuliliki.”a Ke fai ʻe he ʻovasia ngāué. Fakalototoʻaʻi ʻa e tokotaha kotoa ʻe malavá ke nau tāimuʻa tokoni ʻi Maʻasi mo ʻEpeleli. Fakaafeʻi ke ʻomai ha ngaahi fakamatala mei he faʻahinga naʻa nau tāimuʻa ʻi he faʻahitaʻu Fakamanatu kuo ʻosí. Naʻe anga-fēfē ʻenau fokotuʻutuʻu ke tāimuʻá? Ko e hā ʻa e feinga mo e ngaahi feʻunuʻaki naʻe fiemaʻu hení? Ko e hā ʻa e fiefia mo e ngaahi tāpuaki naʻa nau hokosiá? Fakamanatu ʻa e ngaahi sīpinga taimi-tēpile ʻi he puha he peesi 4. Fanongonongo ko e ngaahi foomu tohi kole ki he tāimuʻa tokoní ʻe ala maʻu ia ʻi he hili ʻa e fakatahá.

Hiva 23 (200) mo e lotu tuku.

Uike Kamata Fepueli 17

Hiva 26 (212)

10 min: Ngaahi fanongonongo fakalotofonua. Fakamatala paʻangá. Fakamanatu ʻa e tohi ʻoku tuʻuaki ʻi Maʻasí. Lave ki ha fokotuʻu ʻe taha pe ua ki hono tuʻuaki ʻa e tohi ʻIlo, ʻo ngāueʻaki ʻa e ngaahi poini mei he fakalahi ʻo ʻEtau Ngāue Fakafaifekau ʻo e Puleʻanga ʻo Sanuali 2002. Fakamamafaʻi ʻa e taumuʻa ʻo hono kamata ha ngaahi ako Tohitapu ʻi ʻapi.

15 min: “ʻE Lava Ke Ke Fakaʻatā Ho ʻApí?” Malanga ke fai ʻe ha ʻovasia ako tohi. Fakakau ai ʻa e ngaahi fakamatala ʻi he Puha Fehuʻi ʻo ʻEtau Ngāue Fakafaifekau ʻo e Puleʻanga ʻo ʻEpeleli 2001 mo Fepueli 1990. Lave ki he fika ʻo e ngaahi kulupu ako tohi ʻi he fakatahaʻangá pea mo e fakaʻavalisi ʻo hono maʻú. ʻAi ha tokotaha malanga ʻe toko taha pe toko ua ke na fakamatala ki he founga kuó na maʻu ʻaonga ai mo hona fāmilí ʻi hono fai ha ako tohi ʻi hona ʻapí. Ko ha niʻihi pē te nau saiʻia ke fakafaingamālieʻi honau ʻapí ʻoku totonu ke nau ʻai ke ʻilo eni ʻe he ʻovasia tauhí.

20 min: “Ko e Hā Hoʻo Meʻa ʻOku Fakamuʻomuʻá?”b Fokotuʻutuʻu ki muʻa ki ha tokotaha malanga ʻe toko taha pe toko ua ke fakamatala ki he founga kuó na malava ai ke feʻunuʻaki hona ngaahi tuʻungá ke fai ai ʻa e meʻa lahi ange ʻi he ngāue fakafaifekaú.

Hiva 21 (191) mo e lotu tuku.

Uike Kamata Fepueli 24

Hiva 11 (85)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti malaʻe ngāue ki Fepuelí. ʻI hono ngāueʻaki ʻa e ngaahi fokotuʻu ʻi he peesi 8, ʻai ha ongo fakahāhā mavahevahe ʻo e founga ke tuʻuaki ai ʻa e Taua Leʻo ʻo Maʻasi 1 mo e Awake! ʻo Maʻasi 8. ʻI he tuʻunga taki taha, ʻoku totonu ke tuʻuaki tauhoa ʻa e ongo makasiní, neongo ko e taha pē ʻoku lāulea ki aí.

10 min: “Tokoni ʻi he Taimi Totonu.” Malanga ke fai ʻe ha tokotaha mātuʻa. Fakamamafaʻi ko e feinga makehe ʻoku fai ke tokoniʻi ai ʻa e faʻahinga ʻoku ʻikai te nau longomoʻuí ʻoku tapua mei ai ʻa e tokanga ʻofa ʻa Sihova ki heʻene kakaí.

25 min: “Ko ha Foʻi Vitiō Te Ne Fakamāmaʻi mo Ueʻi Koe!” Kamata hangatonu ha fetalanoaʻaki mo e kau fanongó ʻi he foʻi vitiō Faithful Under Trials, ʻo ngāueʻaki ʻa e ngaahi fehuʻi ʻoku ʻomaí. Vahevahe lelei ʻa e taimí ke ʻatā ai ke fai ha ngaahi tali ʻi he fehuʻi fakaʻosí. Fakaʻosiʻaki hono lau ʻa e puha ʻi he peesi 192 ʻo e 2002 Yearbook.

Hiva 4 (43) mo e lotu tuku.

Uike Kamata Maʻasi 3

Hiva 8 (53)

10 min: Ngaahi fanongonongo fakalotofonua. Lāulea nounou ki he “Fokotuʻutuʻu Foʻou ki he Ngaahi Laipeli ʻi he Fale Fakatahaʻangá.” Lave ki he tokotaha ʻe ngāue ko e tauhi laipeli ʻi he laipeli ʻa e Fale Fakatahaʻangá.

15 min: Ngaahi fiemaʻu fakalotofonua.

20 min: “Hoko ʻo Fakakaukau Fakapotopoto ʻi he Ofi ʻa e Ngataʻangá.”c ʻI he lāulea ki he palakalafi 3-4, fakaafeʻi ʻa e kau malangá ke nau fakamatala ki he ngaahi taumuʻa fakalaumālie ʻoku nau lolotonga tuli ki aí. Fakakau ai ʻa e fakamatala ʻi he peesi 176 ʻo e tohi Lotu ki he ʻOtua.

Hiva 15 (127) mo e lotu tuku.

[Fakamatala ʻi lalo]