Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata ʻi ʻAokosi 29, 2005. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he ngaahi uike ʻo Siulai 4 ki ʻAokosi 29, 2005. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. ʻI hono vahevahe atu ʻetau ʻamanakí ki he niʻihi kehé, ʻe lava fēfē ke tau tuku ‘ke ʻilo ʻe he kakai kotoa pē ʻetau anga-fakaʻatuʻí,’ pea ko e hā ʻoku mahuʻinga ai ení? (Fili. 4:5, NW; Sem. 3:17) [be p. 251 pal. 1-3, puha]
2. ʻE anga-fēfē hono tokoniʻi kitautolu ʻe he ʻiloʻi ko ia ʻa e taimi ke ʻulutukua aí ke tau feangainga lavameʻa ai mo e niʻihi kehé? [be p. 253 pal. 1-2]
3. Ko e hā ʻoku mahuʻinga ai ʻa hono ngāueʻaki pōtoʻi ʻo e ngaahi fehuʻí ʻi he taimi ʻoku tau tokoniʻi ai ʻa e niʻihi kehé ke nau fakaʻuhingaʻi ha meʻá? [be p. 253 pal. 3-4]
4. Ko e hā ʻa e ngaahi meʻa tefito ʻoku totonu ke fai ʻa e fakakaukau ki ai koeʻuhi ke ʻai ha malanga ke fakatupu fakalotoʻi? [be p. 255 pal. 1-4, puha; p. 256 pal. 1, puha]
5. Ko e hā ʻoku totonu ke tau tauhi ʻi heʻetau fakakaukaú ʻo ka tau fili ke ngāueʻaki ha fakamoʻoni fakalahi ke poupouʻiʻaki ʻa e ʻuhinga lelei ʻo e ngaahi Konga Tohi Tapú? [be p. 256 pal. 3-5, puha]
KONGA FIKA 1
6. Ko e hā ʻa e fakamoʻoni mahino ʻokú ne fakapapauʻi ʻa e moʻoni faka-hisitōlia ʻo Sīsuú? [w03 6/15 p. 4-7]
7. ʻOku anga-fēfē ʻa e ‘fakamoui akinautolu e he gutu oe agatonú,’ pea ʻi he founga fē ʻoku “tuu mau” ai ʻa e fale ʻo e kau māʻoniʻoní? (Pal. 12:6, 7, PM) [w03 1/15 p. 30 pal. 1-3]
8. Koeʻuhi ko e ʻikai hiki ʻa e Tohi Tapú ʻi ha faʻunga ʻo ha lisi ʻo e ngaahi meʻa ke fai mo e ngaahi meʻa ke ʻoua ʻe fai, ʻe lava fēfē ke tau ‘ʻilo be koeha ae finagalo oe Eikí’? (Ef. 5:17, PM) [w03 12/1 p. 21 pal. 3–p. 22 pal. 3]
9. Ko e hā ʻa e ngaahi tefitoʻi moʻoni Fakatohitapu ʻi hono ngāueʻakí ʻe lava ke ne tokoniʻi ai ha taha ke ne fekuki mo e masivá pe ngaahi tuʻunga fakaʻekonōmika ʻikai leleí? [w03 8/1 p. 5 pal. 2-5]
10. ʻOku totonu ke ueʻi fēfē kitautolu ʻe he faʻifaʻitakiʻanga ʻo e foaki taʻetotongi ʻa Sihová? (Mt. 10:8) [w03 8/1 p. 20-2]
LAU TOHI TAPU FAKAUIKE
11. Ko e hā naʻe fakaʻilongaʻi ʻe he ongo pou ko Siakini mo Pōasí ʻi he hūʻanga ki he temipale naʻe langa ʻe Solomoné? (1 Tuʻi 7:15-22)
12. Naʻe fehoanaki ʻa e meʻaʻofa ʻa Solomone ko e ngaahi kolo ʻe 20 ʻi he fonua ʻo Kālelí kia Tuʻi Hailame ʻo Taiá pea mo e Lao ʻa Mōsesé? (1 Tuʻi 9:10-13)
13. Ko e hā e lēsoni ʻe lava ke tau ako mei he talangataʻa ʻa “ha tangata ʻo e ʻOtua”? (1 Tuʻi 13:1-25)
14. ʻI he founga fē naʻe fakahāhā ai ʻe Tuʻi ʻAsa ʻo Siutá ʻa ʻene loto-toʻá, pea ko e hā ʻe lava ke tau ako mei heʻene faʻifaʻitakiʻangá? (1 Tuʻi 15:11-13)
15. ʻOku anga-fēfē hono fakatātaaʻi ʻe he meʻa naʻe hoko kia Tuʻi ʻĒhapi mo Nēpoté ʻa e fakatuʻutāmaki ko ia ʻo e fakaʻofaʻia ʻia kitá? (1 Tuʻi 21:1-16)