Taimi-Tēpile Fakataha Ngāue

Uike Kamata ʻOkatopa 10

Hiva 7 (51)

10 min: Ngaahi fanongonongo fakalotofonua. Ngaahi fanongonongo kuo filifili mei he ʻEtau Ngāue Fakafaifekau ʻo e Puleʻanga. Ngāueʻaki ʻa e ngaahi fokotuʻu ʻi he peesi 8 (kapau ʻoku feʻungamālie ki ho feituʻú) ke fakahāhaaʻi ʻa e founga ke tuʻuaki ai ʻa e Taua Leʻo ʻo ʻOkatopa 15 mo e Awake! ʻo ʻOkatopa 22. Hili ʻa e fakahāhā taki taha, fakamamafaʻi ʻa e ngaahi tafaʻaki ʻaonga ʻe niʻihi ʻo e tuʻuakí. Tānaki atu ki ai, fakahanga ʻa e tokangá ki he ngaahi kupu hoko ʻa ia ʻe hā ngali fakamānako nai ki he kakai ʻi he feituʻu fakalotofonuá.

15 min: ʻOkú Ke Maʻu ha Tōʻonga Lautohi Lelei? Fetalanoaʻaki mo e kau fanongó ʻo makatuʻunga ʻi he ngaahi konga kuo filifili mei he tohi Ako Fakafaifekau, peesi 21-6. Ko e hā ʻe lava ke fakakau ʻi heʻetau polokalama lautohí? (p. 21, puha) Ko e hā ʻoku mahuʻinga ai kiate kitautolu ke tau lau ʻa e ngaahi tohi ʻa ia ʻoku tokonaki maí? (p. 23 pal. 2) Ko e hā ʻa e kī ki hono tauhi maʻu ha polokalama lautohi leleí? (p. 26, pal. 3-4) ʻOku anga-fēfē hoʻo vaheʻi ʻa e taimi ke lau ai ʻa e ongo makasini Taua Leʻo mo e ʻĀ Hake!? Kuo anga-fēfē ʻa ʻene ʻaonga ʻeni kiate koé?

20 min: “Hanganaki Leaʻaki e Folofola ʻa e ʻOtuá ʻi he Loto-Toʻa.”a Fakaafeʻi ʻa e kau fanongó ke nau fakamatala ki he ngaahi tuʻunga ʻa ia ʻe lava ke faingataʻa ai ke langaʻi ʻa e loto-toʻa ʻa ia ʻoku fiemaʻu ke faiʻaki ha fakamoʻoní. Ko e hā kuó ne tokoniʻi kinautolu ke nau fai peheé?

Hiva 9 (37) mo e lotu tuku.

Uike Kamata ʻOkatopa 17

Hiva 13 (124)

10 min: Ngaahi fanongonongo fakalotofonua. ʻI hono ngāueʻaki ʻa e konga 3 ʻo e konga fakalahi ʻo ʻEtau Ngāue Fakafaifekau ʻo e Puleʻanga ki Sepitema 2005, fakamanatu ʻa e poini ʻe taha pe ua ʻo e founga ke ngāue ola lelei ʻaki ai ʻa e Tohi Tapú ʻi hono fai ʻa e ngaahi ako Tohi Tapú.

15 min: Fakaʻehiʻehi mei he Ngaahi Fakatuʻutāmaki ʻo e ʻInitanetí. Ko ha malanga ke fai ʻe ha mātuʻa ʻo makatuʻunga ʻi he ʻĀ Hake! ʻo ʻEpeleli-Sune 2005 peesi 16-19.

20 min: “Fakahaaʻi ʻa e Mahuʻingaʻia Fakafoʻituitui—ʻAki ʻa e Hoko ʻo Anga-Lelei.”b Fakaafeʻi ʻa e kau fanongó ke nau fakamatala ki he founga ʻe lava ke tau fakahaaʻi ai ʻa e anga-lelei ki he niʻihi kehé ʻi heʻetau kau ki he malaʻe fakafaifekaú. Ko e ngaahi tafaʻaki kehe ʻo hono fakahaaʻi ʻa e mahuʻingaʻia fakafoʻituitui ʻi he faʻahinga ʻa ia ʻoku tau malanga ki aí ʻe lāulea ki ai ʻi he ngaahi ʻīsiu hoko mai ʻo ʻEtau Ngāue Fakafaifekau ʻo e Puleʻanga.

Hiva 7 (51) mo e lotu tuku.

Uike Kamata ʻOkatopa 24

Hiva 23 (200)

10 min: Ngaahi fanongonongo fakalotofonua. Lau ʻa e ngaahi fakamatala paʻangá mo hono fakamālōʻiaʻi ʻo e tokoní. ʻI hono ngāueʻaki ʻa e taha ʻo e ngaahi tuʻuaki ʻoku fokotuʻu mai ʻi he konga fakalahi ʻo ʻEtau Ngāue Fakafaifekau ʻo e Puleʻanga ki Sanuali 2005 pe ko ha toe fakaofiofi kehe ʻa ia ʻoku feʻungamālie ki ho feituʻú, fakahāhaaʻi ʻa e founga ke fakaʻaliʻali ai ʻa e tohi ʻoku tuʻuaki ki Nōvemá.—Sio ki he ʻEtau Ngāue Fakafaifekau ʻo e Puleʻanga ki Sanuali 2005, p. 8, pal. 5.

15 min: Ngaahi fiemaʻu fakalotofonua.

20 min: Ko Hono Tapua Atu ʻa e Ngaahi Tuʻunga ʻa e ʻOtuá ʻi Hotau Valá mo e Teuteú. Malanga mo e fetalanoaʻaki mo e kau fanongó ke fai ʻe ha mātuʻa ʻo makatuʻunga ʻi he Taua Leʻo ʻo ʻAokosi 1, 2002, peesi 17-19. Fakaafeʻi ʻa e kau fanongó ke nau fakamatala ki he founga ʻe lava ai ke tofa ʻe hotau fōtunga alafaʻifaʻitakiʻangá ha hala ke fai ai ha fakamoʻoní.

Hiva 11 (85) mo e lotu tuku.

Uike Kamata ʻOkatopa 31

Hiva 16 (143)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti malaʻe ngāue ki ʻOkatopá. ʻI hono ngāueʻaki ʻa e ngaahi fokotuʻu ʻi he peesi 8 (kapau ʻoku feʻungamālie ki ho feituʻu ngāué), fakahāhaaʻi ʻa e founga ke tuʻuaki ai ʻa e Taua Leʻo ʻo Nōvema 1 mo e Awake! ʻo Nōvema 8. ʻI he taha ʻo e ongo tuʻuakí, fokotuʻu ʻa e makatuʻunga ki he ʻaʻahi hoko maí ʻaki hono fakahanga ʻa e tokangá ki he puha “ʻI Heʻemau ʻĪsiu Hoko Maí.”—Sio ki he ʻEtau Ngāue Fakafaifekau ʻo e Puleʻanga ki ʻOkatopa 1998, p. 8, pal. 7-8.

17 min: Tokoniʻi ʻa e Niʻihi Kehé ke Nau Mahinoʻi ʻa e Tohi Tapú. Lāulea ʻi he fehuʻi mo e tali mo e kau fanongó ʻo makatuʻunga ʻi he tohi Lotu ki he ʻOtua, peesi 24-5, palakalafi 3-6. Ngāueʻaki ʻa e ngaahi fehuʻi ako ʻoku tokonaki mai ʻi he tohí. Fakakau ai ʻa e ngaahi fakamatala ʻi he polosiua A Book for All People, peesi 32.

18 min: Kau Talavou ʻOku Nau Tuʻumaʻu kae Anga-Fakaʻapaʻapá. Malanga ke fai ʻe ha mātuʻa ʻo makatuʻunga ʻi he Taua Leʻo ʻo Sepitema 15, 2002, peesi 23-4, ʻi he kaveinga tokoni “Fakaʻehiʻehi Anga-Fakaʻapaʻapa.” Fokotuʻutuʻu ki muʻa ki ha talavou ʻe toko taha pe toko ua ke na fakamatala ki he ngaahi pole kuó na fetaulaki mo ia ʻi he ʻapiakó pea mo e meʻa kuó ne tokoniʻi kinaua ke na fekuki lavameʻa ai mo iá.

Hiva 29 (222) mo e lotu tuku.

Uike Kamata Nōvema 7

Hiva 4 (43)

5 min: Ngaahi fanongonongo fakalotofonua.

20 min: Fakaleleiʻi Hoʻo Tokanga Tāfataha ʻi he Ngaahi Fakatahá. Malanga mo e fetalanoaʻaki mo e kau fanongó ʻo makatuʻunga ʻi he Taua Leʻo ʻo Sepitema 15, 2002, peesi 12-14, palakalafi 11-14. Fakamanatu ʻa e ngaahi fokotuʻu ʻoku tokonaki maí, pea fakaafeʻi ʻa e kau fanongó ke nau fakamatala ki he meʻa kuó ne tokoniʻi kinautolu ke nau maʻu ai ʻa e ʻaonga lahi taha mei he ngaahi fakataha ʻa e fakatahaʻangá.

20 min: “Fakatupulekina ʻa e Pōtoʻi ʻi he Fakaʻuhinga mo e Niʻihi Kehé.”c Fakaafeʻi ha kau malanga kuo filifili ke nau fakamatala ki he founga kuo nau malava ai ʻo fakaʻuhinga mo e kakai ʻo e ngaahi puipuituʻa kehekehe ʻi he feituʻu fakalotofonuá.

Hiva 9 (37) mo e lotu tuku.

[Fakamatala ʻi lalo]