Taimi-Tēpile ki he Fakataha Ngāué

Uike Kamata Fepueli 13

Hiva 121

10 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu ʻi he peesi 8 pe ngaahi tuʻuaki kehe ʻoku feʻungamālie ki ho feituʻú, fakahāhaaʻi ʻa e founga ke tuʻuaki ai ʻa e Taua Leʻo ʻo Fepueli 15 pea mo e Awake! ʻo Fepuelí. ʻI he taha ʻo e ongo fakahāhaá, fakahāhā ʻa e faifakamoʻoni ʻi ha feituʻu kakai.

10 min: ʻOkú Ke Laka Fakataha mo e Kautaha ʻa Sihová? Ko ha malanga makatuʻunga ʻi he Organized to Do Jehovah’s Will, peesi 7-​10.

25 min: “Fakahanga ʻa e Tokangá ki he ‘Maama ʻo Māmani.’”a Ke fai ʻe he ʻovasia ngāué. Fanongonongo ʻa e ngaahi hingoa ʻo e faʻahinga kuo nau hū ʻo hoko ko e kau tāimuʻa tokoní. Lave ki he ngaahi fakataha lahi ange ki he ngāue fakamalangá kuo fokotuʻutuʻú. Fakakau ki ai ʻa e ngaahi fakamatala ʻi he ngaahi sīpinga taimi-tēpile tāimuʻa tokoni ʻi he peesi 5 ʻo e fakalahi ʻo ʻEtau Ngāue Fakafaifekau ʻo e Puleʻanga ʻo Fepueli 2005.

Hiva 224 mo e lotu tuku.

Uike Kamata Fepueli 20

Hiva 89

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.

15 min: Ngāueʻaki ha Tukuʻanga Makasini Pau ke Fakatupulekina ʻa e Mahuʻingaʻiá. Malanga mo e fetalanoaʻaki mo e kau fanongó ʻo makatuʻunga ʻi he ʻEtau Ngāue Fakafaifekau ʻo e Puleʻanga ʻo Tīsema 2005, peesi 6. (5/05 p. 8 pulusinga U.S.) ʻE lava fēfē ke tau kamataʻi ha tukuʻanga makasini pau? (pal. 1) ʻE lava fēfē ke tau teuteu ha hokohoko ʻo ha fetalanoaʻaki konga Tohi Tapu ʻe taha? (pal. 3) Ko e hā ʻoku fiemaʻu ai ke tau fai ʻa e meʻa lahi ange ʻi hono lau ʻataʻatā pē ʻa e konga Tohi Tapu kuo filí? (pal. 4) ʻE lava fēfē ke hoko ha ʻaʻahi tukuʻanga makasini pau ko ha ako Tohi Tapu? (pal. 5) Fakakau ai ha fakahāhā ko ha tokotaha malanga ʻokú ne fai ha fetalanoaʻaki ʻi ha konga Tohi Tapu ʻe taha mo ha taha ʻi heʻene tukuʻanga makasini paú.

20 min: “Ko ha Tokoni ʻOku Mātuʻaki Ofi.”b Ke fai ʻe ha tokotaha mātuʻa. Fakakau ai ha ngaahi fakamatala nounou ʻi he ongo puha fehuʻi ʻo ʻEtau Ngāue Fakafaifekau ʻo e Puleʻanga ʻo Nōvema 1998 mo Nōvema 2000.

Hiva 1 mo e lotu tuku.

Uike Kamata Fepueli 27

Hiva 20

10 min: Ngaahi fanongonongo fakalotofonua. Lau ʻa e fakamatala paʻangá pea fakamālōʻiaʻi ʻa e tokoní. Fakamanatu ki he kau malangá ke ʻomai ʻenau ngaahi līpooti ngāue ki Fepuelí. ʻI hono ngāueʻaki ʻa e ngaahi fokotuʻu ʻi he peesi 8 pe ko ha ngaahi tuʻuaki kehe ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo Maʻasi 1 pe ko e Awake! ʻo Maʻasí.

15 min: “Fokotuʻu ha Ngaahi Faingamālie ke Malanga Ai.”c Fakaafeʻi ha tokotaha malanga ʻokú ne maʻu ha ngaahi tuʻunga faingataʻa ke fakamatala ki he founga kuó ne malava ai ke fokotuʻu ha ngaahi faingamālie ke faifakamoʻoni aí.

20 min: Founga ke Tuʻuaki Ai ʻa e Tohi Akoʻi ʻe he Tohi Tapú. ʻI he lolotonga ʻo Maʻasí te tau tuʻuaki ai ʻa e tohi foʻoú. ʻI hono ngāueʻaki ʻa e ngaahi fokotuʻu ʻi he konga fakalahi ʻo ʻEtau Ngāue Fakafaifekau ʻo e Puleʻanga ʻo Sanuali 2006, peesi 3-6, fakamanatu mo fakahāhaaʻi ʻa e ngaahi tuʻuaki ko ia ʻoku feʻungamālie lelei ki he feituʻu ngāue fakalotofonuá. Fakaafeʻi ʻa e kau fanongó ke nau lave ki he ngaahi hokosia tuʻu-ki-muʻa kuo nau maʻu ʻi hono ngāueʻaki ʻa e tohi foʻoú, tautefito ki he ngaahi ako Tohi Tapu kuo kamata aí.

Hiva 148 mo e lotu tuku.

Uike Kamata Maʻasi 6

Hiva 51

10 min: Ngaahi fanongonongo fakalotofonua. Koeʻuhi ko e ngaahi tulekí ʻoku faingofua ke toʻotoʻo pea hā fakamānako, ʻoku nau ʻaonga ki hono kamata ha ngaahi fetalanoaʻaki ʻi he kau ki he ngāue fakafaifekau fale-ki-he-falé, ʻi he malanga ʻi he ngaahi feituʻu kakaí, pea ʻi he faifakamoʻoni ʻikai ʻi he founga anga-mahení. Fakahāhaaʻi ʻa e founga ke kamata ai ha fetalanoaʻaki ʻo ngāueʻaki ʻa e tuleki foʻou Ko e Faingataʻá Kotoa Kuo Vavé Ni ke Ngata! Lave ki he taha ʻo e ngaahi konga Tohi Tapu ʻoku hiki ʻi he peesi 2 ʻo e tulekí.

15 min: “Fakahāhā ʻa e Mahuʻingaʻia Fakafoʻituitui—ʻAki ʻa e Hoko ʻo Teuteu.”d Fakakau ai ha fakahāhā nounou ʻo fakahāhaaʻi ha ongo meʻa malanga ʻokú na teuteu ke tuʻuaki ʻa e tohi Akoʻi ʻe he Tohi Tapú. ʻOkú na fili ha tuʻuaki mei he konga fakalahi ʻo ʻEtau Ngāue Fakafaifekau ʻo e Puleʻanga ʻo Sanuali 2006 pea lāulea ki he founga ʻe lava ke na ʻai ai ia ʻi heʻena lea pē ʻa kinauá pea fulihi ia ki he feituʻu ngāue fakalotofonuá. ʻOku fakaʻosiʻaki ʻa e fakahāhaá ʻena teu ke ʻahiʻahiʻi leʻo-lahi fakataha ʻa e tuʻuakí.

20 min: “Ngāueʻaki ʻa e Ngaahi Tokoni ki he Mamatá ke Faiakoʻaki.”e ʻI hoʻo lāulea ki he foʻi vitiō taki taha ʻoku lave ki ai ʻi he kupú, fakahāhā ʻa e takafí pea lau ha kiʻi konga nounou ʻokú ne fakamatalaʻi ʻa e ngaahi meʻa ʻi lotó. Kole ki he kau fanongó ke nau lave ki ha ngaahi hokosia naʻa nau maʻu ʻi hono ngāueʻaki ʻa e ngaahi foʻi vitioó ʻi heʻenau ngāue fakafaifekaú.—Sio ki he 1997 Yearbook, p. 54, mo e 1995 Yearbook, p. 50-1.

Hiva 68 mo e lotu tuku.

[Fakamatala ʻi lalo]