Taimi-Tēpile ki he Fakataha Ngāué
Fakatokangaʻi: ʻE fakataimitēpileʻi ʻi he ʻEtau Ngāue Fakafaifekau ʻo e Puleʻanga ha Fakataha Ngāue ki he uike taki taha lolotonga ʻa e ngaahi māhina ʻo Siulai, ʻAokosi mo Sepitemá. ʻE fai nai ʻe he ngaahi fakatahaʻangá ha ngaahi feʻunuʻaki ʻo fakatatau ki he fiemaʻú ke fakafaingamālieʻi ai hono maʻu ʻa e Fakataha-Lahi Fakavahe “Muimui ʻia Kalaisi!” ʻO ka feʻungamālie, ngāueʻaki ʻa e miniti ʻe 15 ʻi he Fakataha Ngāue fakamuimui ki muʻa ke maʻu ʻa e fakataha-lahí ke toe lāulea ai ki he akonaki mo e ngaahi fakamanatu mei he konga fakalahi ʻo e māhina ní ʻa ia ʻoku ngāueʻaki fakalotofonuá. Hili ha māhina ʻe taha pe ua mei hoʻomou fakataha-lahí, vaheʻi ha miniti ʻe 15 ki he 20 ʻi ha Fakataha Ngāue (pe ko hono ngāueʻaki nai ha konga ʻi he ngaahi fiemaʻu fakalotofonuá) ki ha fakamanatu ʻo e ngaahi poini mei he fakataha-lahí ʻa ia naʻe ʻiloʻi ʻe he kau malangá ʻoku ʻaonga ʻi he ngāue fakafaifekaú. ʻOku totonu ke fai ʻa e fakamanatú ʻe he ʻovasia ngāué. Fakaafeʻi ʻa e kau fanongó ke nau fakamatala ki he founga ʻoku nau ngāueʻaki ai pe palani ke ngāueʻaki ʻa e fakamatala ko iá ʻi heʻenau ngāue fakafaifekaú.
Uike Kamata ʻEpeleli 9
10 min: Fanongonongo fakalotofonua. Fakalototoʻaʻi ʻa e tokotaha kotoa ke nau mamata ʻi he foʻi tulama ʻi he DVD ʻoku fakakaveinga ko e Young People Ask—What Will I Do With My Life? ʻi he teuteu atu ki he fetalanoaʻaki ʻe fakahoko ʻi he uike kahaʻú ʻi he Fakataha Ngāué. Fakahaaʻi ʻa e puha “Main Menu,” pea fakamatalaʻi ʻa e founga ke ngāueʻaki ai ʻa e DVD. ʻI hono ngāueʻaki ʻa e ngaahi fokotuʻu ʻi he peesi 8 pe ngaahi tuʻuaki kehe ʻoku feʻungamālie ki ho feituʻú, fakahāhā ʻa e founga ke fakaʻaliʻali ai ʻa e Taua Leʻo ʻo ʻEpeleli 15 mo e ʻĀ Hake! ʻo ʻEpeleli-Sune. ʻI he fakahāhā ʻe taha, ʻai ʻa e tokotaha malangá ke ne langaʻi ha fehuʻi ʻa ia te ne tali ʻi he toe ʻaʻahí.
15 min: “ʻE Lava ke Kau ʻa e Tokotaha Kotoa ʻi he Ngaohi ha Kau Ākonga Foʻou.”a ʻI he lāulea ki he palakalafi 4, fakaafeʻi ʻa e kau fanongó ke nau fakamatala ki he founga naʻe fakalototoʻaʻi ai kinautolu ʻe he kau mēmipa ʻo e fakatahaʻangá ki muʻa ke nau papitaisó. ʻE fokotuʻutuʻu nai ki muʻa ha tali ʻe taha pe ua.
20 min: “ʻI he Taimi ʻOku ʻIkai ke ʻi ʻApi Ai ʻa e Kakaí.”b Ke fai ʻe he ʻovasia ngāué.
Hiva 43 mo e lotu tuku.
Uike Kamata ʻEpeleli 16
10 min: Fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
15 min: “Leaʻaki ʻa e Folofola ʻa e ʻOtua ʻo Taʻemanavahe.”c Fakatatau ki he taimí, fakaafeʻi ʻa e kau fanongó ke nau fakamatalaʻi ʻa e ngaahi konga Tohi Tapu ʻoku haá.
20 min: “Ko e Hā Te Ke Fai ʻAki Hoʻo Moʻuí?”—Konga 1.d Hili ha fakamatala nounou ʻi he palakalafi 1-2, fakahoko leva ha fetalanoaʻaki ʻi he fehuʻi taki taha ʻoku ʻomai ʻi he palakalafi 3-4. ʻI he lāulea ki he fehuʻi 4 ʻi he palakalafi 3, ʻai ke lau fakatouʻosi ʻa e ongo konga Tohi Tapú. Fakaʻosí, lāulea ki he puha “Main Menu.” Fakalototoʻaʻi ʻa e tokotaha kotoa ke nau mamata ʻi he “Interviews” mo e “Supplementary Material” ʻi he DVD ʻi he teuteu atu ki he fetalanoaʻaki ʻi he Fakataha Ngāue he uike kahaʻú.
Hiva 207 mo e lotu tuku.
Uike Kamata ʻEpeleli 23
10 min: Fanongonongo fakalotofonua. Lau ʻa e fakamatala paʻangá pea fakamālōʻiaʻi ʻa e tokoní. ʻI hono ngāueʻaki ʻa e ngaahi fokotuʻu ʻi he peesi 8 pe ngaahi tuʻuaki kehe ʻoku feʻungamālie ki ho feituʻu ngāué, fakahāhaaʻi ʻa e founga ke tuʻuaki ai ʻa e Taua Leʻo ʻo Mē 1 mo e Awake! ʻo Meé.
10 min: Vakai! ʻOku Fakaofo ʻa e Māmá! Ko ha malanga makatuʻunga ʻi he Taua Leʻo ʻo Maʻasi 15, 2007, peesi 12-14.
25 min: “Ko e Hā Te Ke Fai ʻAki Hoʻo Moʻuí?”—Konga 2.e Fakahoko hangatonu ha fetalanoaʻaki ʻi he fehuʻi taki taha ʻoku hā ʻi he palakalafi 5-7. Fakaʻosiʻaki ʻa e kōlenga loto-māfana ʻi he palakalafi 8.
Hiva 172 mo e lotu tuku.
Uike Kamata ʻEpeleli 30
10 min: Fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue fakamalanga ki ʻEpelelí.
15 min: Ngaahi Fokotuʻutuʻu ki he Ngaahi Feituʻu Faiʻanga Lotú. Malanga mo e fetalanoaʻaki mo e kau fanongó ʻo makatuʻunga ʻi he vahe 11 ʻo e Organized to Do Jehovah’s Will.
20 min: “Feinga Uouangataha ʻi Māmani Lahi ke Tuʻuaki ʻa e Fakataha-Lahi Fakavahe ‘Muimui ʻia Kalaisi!’”f ʻI he lāulea ki he palakalafi 3, fakaafeʻi ʻa e kau fanongó ke nau fakamatala ki he ngaahi hokosia fakalotofonua ʻi he felāveʻi mo hono tufaki ʻa e ngaahi tohi fakaafe ki he fakataha-lahi fakavahe ʻi he taʻu kuo ʻosí pe fakakau ai ha ngaahi fakamatala ʻi he 2007 Yearbook, mei he peesi 7 ʻo aʻu ki he kaveinga tokoni ʻi he peesi 10.
Hiva 44 mo e lotu tuku.
Uike Kamata Mē 7
5 min: Fanongonongo fakalotofonua.
10 min: Ngaahi fiemaʻu fakalotofonua.
30 min: “Muimui ʻia Kalaisi ʻAki Hono Fakahaaʻi ʻa e Tuʻunga Ngeia.”g Ke fai ʻe he sekelitali ʻa e fakatahaʻangá. Lave ki he fakataha-lahi ʻa ia ʻoku vaheʻi ki ai ʻa e fakatahaʻangá. Lāulea ki he puha “Ngaahi Fakamanatu ki he Fakataha-Lahi Fakavahé.”
Hiva 178 mo e lotu tuku.
[Fakamatala ʻi lalo]
a Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
b Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
c Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
d Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
e Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
f Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
g Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.