Puha Fehuʻi

◼ ʻOku feʻungamālie ke fakapipiki hotau tuʻasila ʻī-meili fakatāutahá ʻi he ngaahi tohi ʻoku tau tufakí?

ʻI hano sitapaʻi pe hikiʻi ha kiʻi lauʻipepa, ʻoku fakapipiki atu ai ʻe he kau malanga ʻe niʻihi honau tuʻasila ʻī-meilí ʻi he ngaahi makasini pe ngaahi tuleki ʻoku nau tuku ki he niʻihi kehé. ʻOku malava leva ai ʻe he faʻahinga ʻoku nau tali ʻa e ngaahi tohí ke fetuʻutaki ki he tokotaha malangá ʻo kole ha toe ngaahi fakamatala. Ko e ngaahi feinga pehē ke tokoniʻi ʻa e faʻahinga mahuʻingaʻiá ʻoku fakataumuʻa lelei pē. Kae kehe, ko ʻetau Uepisaiti fakaʻofisialé kuo ʻosi hā ia ʻi he tuʻa takafi ʻo e ngaahi makasiní mo e ngaahi tulekí. Ko ia ai, ʻoku lelei tahá ke ʻoua te tau fakapipiki ha tuʻasila ʻī-meili tāutaha ʻi he ngaahi tohí.

Pe ʻoku ʻoange ʻe ha tokotaha malanga ki he kakai ʻi he feituʻu ngāué ha fetuʻutakiʻanga ʻi ha kiʻi lauʻipepa makehe, tautefito ʻi hono fai ʻo e ngaahi toe ʻaʻahí, ko ha fili fakatāutaha pē ia. ʻOku totonu ke tau tamuʻomuʻa ke foki ki he faʻahinga naʻa nau mahuʻingaʻiá kae ʻoua ʻe tuku pē ke nau toki fetuʻutaki mai ki ha toe fakamatala lahi ange. ʻOku hā mahino ange ʻa e mahuʻingaʻia moʻoni fakatāutahá ʻi he taimi ʻoku tau talanoa femātaaki ai mo e tokotaha ko iá.