Sīpinga Faitohi

• Ngāueʻaki pē ho tuʻasilá. Kapau ʻokú ke ongoʻi ʻoku ʻikai ke fakapotopoto ke ʻoatu ho tuʻasilá, ʻe lava ke ke ngāueʻaki ʻa e tuʻasila ʻo e Fale Fakatahaʻangá kapau kuo ʻoatu ha ngofua mei he kau mātuʻá. Kae kehe, ʻOUA ʻAUPITO ʻe ngāueʻaki ʻa e tuʻasila ʻo e ʻōfisi vaʻá ke fetuʻutaki mai ai.

• Ngāueʻaki ʻa e hingoa ʻo e tokotahá kapau ʻokú ke ʻiloʻi. Ke fakaʻehiʻehi mei hano toʻo halaʻi ʻo e tohí ko ha tuʻuaki koloa.

• Tokanga ki he sipelá, kalamá mo e fakaʻilonga leá. Fakapapauʻi ʻoku maʻa mo maau ʻa e tohí. Kapau ʻoku hiki-tohi nima, fakapapauʻi ʻoku mahino ʻa e mataʻitohí. Ko e fakaleá ʻe pau ke ʻoua ʻe fuʻu ʻaiʻai noaʻia pe fuʻu fakamatāpule.

Ko e sīpinga faitohi ko ení ʻoku fakahaaʻi ai ʻa e ngaahi poini ko ení. ʻOku ʻikai ʻuhinga ia ke ke fuʻu pipiki ki ai ʻi haʻo fai ha tohi ki ha taha ʻi ho feituʻu ngāué. Feʻunuʻaki hoʻo tohí ʻo fakatatau ki he taumuʻa, ngaahi tuʻunga fakalotofonuá pea mo e tuʻunga anga-mahení.