Puha Fehuʻi

◼ Ko e hā ʻoku fiemaʻu ai ke ʻai ʻa e tokangá ʻi he faifakamoʻoni fakafou he meilí?

Ko hono fai ha fakamoʻoni fakafou he meilí ko ha founga ola lelei moʻoni ia ki hono vahevahe atu ʻa e ongoongo leleí. Kae kehe, ʻi he ngaahi meʻa ʻoku lolotonga hoko ʻi he māmaní, kuo ʻai ai ʻa e kakaí ke nau tokanga fekauʻaki mo hano fakaava ha meili ʻikai anga-maheni. Ko e ngaahi sila mei ha ngaahi feituʻu taʻeʻiloa, pe ʻoku ʻikai ha tuʻasila ai ʻo e tokotaha ʻoku ʻomai mei aí ʻoku faʻa fai ʻa e vakai ki ai fakataha mo e huʻuhuʻu, tautautefito kapau ʻoku tohinimaʻi kinautolu pea tohi matalalahi. ʻE liʻaki nai ʻe he tokotaha-ʻapí ʻa e meili peheé ʻo ʻikai te ne fakaava ia. ʻE lava fēfē ke tau taʻofi ʻa e hoko ʻa e meʻá ni?

Kapau ʻe malava, ʻoku totonu ke taipeʻi fakatouʻosi ʻa e tohí mo e silá. ʻOku totonu ke fakatuʻasila ʻa e silá ki he hingoa ʻo e tokotaha-ʻapí. ʻOua ʻe fakatuʻasila ia ki ha “Taha Pē.” Tānaki atu ki ai, tohiʻi maʻu pē ai ha tuʻasila ke fakafoki mai ki ai. Kapau ʻoku taʻefakapotopoto ke fakahaaʻi ho tuʻasila fakafoʻituituí, taipeʻi ho hingoá mo e tuʻasila ʻo e Fale Fakatahaʻangá. ʻOua ʻe ʻave ha ngaahi tohi ʻoku ʻikai ha hingoa ai ʻo e taha naʻe ʻoatu mei aí. ʻOua ʻaupito ʻe ngāueʻaki ʻa e tuʻasila ʻo e ʻōfisi vaʻá.—Sio ki he Puha Fehuʻi ʻi he ʻEtau Ngāue Fakafaifekau ʻo e Puleʻangá ʻo Nōvema 1996.

ʻE lava ke maʻu ha toe ngaahi fokotuʻu pea mo ha sīpinga faitohi ʻi he Benefit From Theocratic Ministry School Education, peesi 71-3. ʻE tokoniʻi kitautolu ʻe he tataki ko ʻení ke tau ngāue ola lelei ʻaki ʻa e ngaahi tohí ke aʻu ai ki he niʻihi kehé mo e ongoongo leleí.