Taimi-Tēpile ki he Fakataha Ngāué
Uike Kamata Sanuali 14
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻI hono ngāueʻaki ʻa e fokotuʻu ʻi he peesi 8 pe ko ha tuʻuaki kehe ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo Sanuali-Maʻasi mo e ʻĀ Hake! ʻo Sanuali-Maʻasí.
15 min: “Ngāueleleiʻaki Ho Taimi ʻi he Ngāue Fakafaifekaú.”a Fakaʻekeʻeke ha tokoua ʻokú ne alafaʻifaʻitakiʻanga ʻi hono tokangaʻi ʻa e kulupu ki he ngāue fakamalangá. Ko e hā ʻokú ne fai ke teuteu ai ki hono tokangaʻi ʻa e kulupú pea ngāueleleiʻaki ʻa e taimi kuo vaheʻi ki he ngāue fakafaifekaú?
20 min: “‘Ke Fakaifo Ai Pē ʻAki ha Masima Hoʻomou Leá.’”b ʻI he lāulea ki he palakalafi 2, lau ʻa e Sione 4:7-15, 39.
Uike Kamata Sanuali 21
10 min: Ngaahi fanongonongo fakalotofonua. Lave ki he tohi ke tuʻuaki ʻi Fepuelí, pea fakahāhaaʻi ha tuʻuaki ʻe taha. Fakalototoʻaʻi ʻa e tokotaha kotoa ke sio ʻi he foʻi vitiō Transfusion-Alternative Health Care—Meeting Patient Needs and Rights ʻi he teuteu atu ki he fetalanoaʻaki ʻe fai ʻi he Fakataha Ngāue ʻo e uike ʻo Fepueli 4.
10 min: ʻOkú Ke Ngāueʻaki ʻa e Vakaiʻi Fakaʻaho ʻa e Tohi Tapú? Malanga mo e fetalanoaʻaki mo e kau fanongó ʻo makatuʻunga ʻi he talateu ʻo e Vakaiʻi Fakaʻaho ʻa e Tohi Tapú—2008. Fakamatalaʻi ʻa e mahuʻinga ʻo hono vaheʻi ha taimi ʻi he ʻaho taki taha ke lāulea ai ki he konga Tohi Tapú mo e fakamatalá. Fakaafeʻi ʻa e kau fanongó ke nau fakamatala ki heʻenau founga-tuʻumaʻu ʻo e lāulea ki he konga tohí pea mo e ʻaonga ʻoku nau maʻu aí. ʻE fokotuʻutuʻu nai ki muʻa ha fakamatala ʻe taha pe ua. Fakamatalaʻi nounou ʻa e konga tohi fakataʻu ki he 2008.
25 min: “Faifakamoʻoni Fakaʻāuliliki ki he Ongoongo Lelei.”c (Pal. 1-10) Ke fai ʻe he ʻovasia ngāue. Fakaʻekeʻeke ha kau malanga ʻe toko taha pe toko ua naʻá na tāimuʻa tokoni ki mui maí ni neongo ʻa e moʻumoʻua ʻa e taimi-tēpilé pe ko e vaivai fakaesinó. Naʻe anga-fēfē ʻena malava ke fai iá? Ko e hā ʻa e fiefia naʻá na hokosiá? ʻI he lāulea ki he palakalafi 7, fakamatalaʻi ʻa e fokotuʻutuʻu ki he ngaahi fakataha ki he ngāue fakamalangá he lolotonga ʻo Maʻasi, ʻEpeleli mo Mē.
Uike Kamata Sanuali 28
10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue fakamalanga ki Sanualí. Lau ʻa e fakamatala paʻangá pea fakamālōʻia ʻa e tokoni kuo faí. Fetalanoaʻaki mo e kau fanongó ʻo makatuʻunga ʻi he Taua Leʻo ʻo Sanuali-Maʻasi mo e ʻĀ Hake! ʻo Sanuali-Maʻasí. Hili hono fakamatalaʻi nounou ʻa e ʻīsiu taki taha, ʻeke ki he kau fanongó pe ko fē ʻa e ngaahi kupu ʻe fakamānako nai ki he kakai ʻi he feituʻu ngāué pea ko e hā hono ʻuhingá. Fakaafeʻi ʻa e kau fanongó ke nau lave ki ha ngaahi poini pau ʻi he ngaahi kupu ʻoku nau palani ke tuʻuakí. Ko e hā ʻa e fehuʻi ʻe lava ke ʻeke ke kamataʻaki ha fetalanoaʻakí? Ko e hā ʻa e konga Tohi Tapu ʻi he kupú ʻe lava ke laú? Ko e hā ʻa e kaunga ʻa e konga Tohi Tapú ki he kupú? ʻI hono ngāueʻaki ʻa e ngaahi tuʻuaki ʻi he peesi 8, fakahāhā ʻa e founga ke tuʻuaki nai ai ʻa e makasini taki taha.
20 min: “Faifakamoʻoni Fakaʻāuliliki ki he Ongoongo Lelei.”d (Pal. 11-17) Kapau ʻoku ala maʻu ʻa e tohi fakaafe makehe ki he Fakamanatú, ʻoatu ha tatau ki he tokotaha kotoa pē ʻi he kau fanongó ʻi he taimi ʻoku lāulea ai ki he palakalafi 14. Lave ki he ngaahi fokotuʻutuʻu fakalotofonua ki hono ʻosiki ʻo e feituʻu ngāué.
15 min: “Tokoniʻi ʻa e Kau Ako Tohi Tapú ke Hoko ko e Kau Malanga ʻo e Ongoongo Lelei ʻo e Puleʻangá.”e Fakatatau ki he taimí, fakaafeʻi ʻa e kau fanongó ke nau fakamatala ki he ngaahi konga Tohi Tapu ʻoku haá.
Uike Kamata Fepueli 4
10 min: Ngaahi fanongonongo fakalotofonua. Fakamatala nounou ki he Puha Fehuʻi.
10 min: Ngaahi fiemaʻu fakalotofonua.
25 min: “ʻOkú Ke Tautoloi?” Ke fai ʻe ha mātuʻa. Kamata leva ʻa e fetalanoaʻaki mo e kau fanongó ʻi he foʻi vitiō Patient Needs and Rights, ʻo ngāueʻaki ʻa e ngaahi fehuʻi ʻoku ʻomai ʻi he kupú. ʻI he fakaʻosí, lau ʻa e palakalafi fakamuimuí pea fakalototoʻaʻi kotoa ke fakamanatu fakalelei ʻa e ngaahi kupu ʻoku hā ʻi he Taua Leʻo mo ʻEtau Ngāue Fakafaifekau ʻo e Puleʻanga. Fakamatalaʻi ʻa e founga ʻe lava ke ngāueʻaki ai ʻe he faʻahinga kuo teʻeki ai ke nau fakafonu ʻa e ongo foomu ʻi he fakalahi ʻo ʻEtau Ngāue Fakafaifekau ʻo e Puleʻanga ʻo Nōvema 2006, ke nau fai ha ngaahi fili fakafoʻituitui fekauʻaki mo e ngaahi kongokonga ʻo e totó mo e ngaahi ngāue fakafaitoʻó, pea hiki-tatau leva ʻenau ngaahi filí ki he kaati HCD. Ko e faʻahinga kuo nau ʻosi fakafonu ʻenau kaati HCD te nau loto nai ke toe vakaiʻi ʻenau ngaahi fili ki muʻá, pea kapau ʻe fiemaʻu, fakafonu ha kaati foʻou.
[Fakamatala ʻi lalo]
a Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
b Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
c Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
d Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
e Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.