Meʻa ke Leaʻaki Fekauʻaki mo e Makasiní

Ko e Taua Leʻo ʻOkatopa-Tīsema

“Ko e hā ʻokú ke fakakaukau ʻoku fiemaʻu ʻe he kakaí kae malava ke nau fiefiá? [Tuku ke ne tali. Huke leva ki he Mātiu 5:3.] Ko e taha pē eni e fakamatala ʻa Sīsū fekauʻaki mo e kaveinga ʻo e fiefiá. Ko e kupu ko ení ʻoku lāulea ai ki he meʻa ʻoku tau ako meia Sīsū fekauʻaki mo e founga ke tau maʻu ai ʻa e fiefia moʻoní.” Fakaʻaliʻali ʻa e kupu ʻoku kamata ʻi he peesi 16.

ʻĀ Hake! ʻOkatopa-Tīsema

“Hangehangē koe Kau Fakamoʻoni ʻa Sihová kuo nau ʻosi talanoa mo koe ki muʻa. Kuó ke fifili nai ki he ʻuhinga ʻoku mau ʻalu ai mei he matapā ki he matapā, tautefito ko e tokolahi taha ʻo e kakaí ʻoku ʻikai ke nau mahuʻingaʻia? [Tuku ke ne tali. Lau leva ʻa e Mātiu 24:14.] ʻOku mau ʻilo ʻoku tokolahi ʻa e faʻahinga ʻoku nau maʻu hala fekauʻaki mo kimautolu. Ko e makasini ko ení ʻoku fakamatalaʻi ai ko hai ʻa e Kau Fakamoʻoni ʻa Sihová.”

Ko e Taua Leʻo ʻOkatopa-Tīsema

“ʻOku tokolahi ʻa e kakai ʻoku nau maʻu ha Tohi Tapu ka ʻoku nau ʻilo ʻoku ʻikai faingofua ke mahinoʻi. Ko e veesi Tohi Tapu ko ení ʻoku fakahaaʻi ai ʻa e ʻuhinga ʻoku mahuʻinga ai ke ako ʻa ʻene pōpoakí. [Lau ʻa e Semisi 1:25] Ko e kupu ʻoku kamata ʻi he peesi 19 ʻoku tokonaki mai ai ʻa e sitepu ʻe fitu te ne tokoniʻi kitautolu ke tau maʻu ʻaonga mei he lau Tohi Tapú.”

ʻĀ Hake! ʻOkatopa-Tīsema

“ʻOku lahi ʻa e ngaahi faiva ʻi he ʻahó ni ʻoku fakahaaʻi ai ʻa e kau tēmenioó, kau fakalouʻakau, mo e tōʻonga fakafaimaná. ʻOkú ke fakakaukau ko e kau tēmeniō ʻoku moʻoni? [Tuku ke ne tali. Lau leva ʻa e 1 Kolinito 10:20.] Ko e kupu ko ení ʻoku fakahaaʻi ai ʻa e meʻa ʻoku leaʻaki ʻe he Tohi Tapú fekauʻaki mo e kau tēmenioó mo e founga ʻe lava ke tau maluʻi ai kitautolu meia kinautolú.” Fakaʻaliʻali ʻa e kupu ʻoku kamata ʻi he peesi 16.