Fakaleleiʻi ʻEtau Pōtoʻi ʻi he Ngāue Fakafaifekaú​—Aʻu ki he Lotó ʻAki ʻa e Tohi Tauhi Kimoutolu ʻi he ʻOfa ʻa e ʻOtuá

ʻUHINGA ʻOKU MAHUʻINGA AÍ: Kuo pau ke ako ʻa e kakaí ki he ngaahi tuʻunga ʻa Sihová pea muimui ki ai kae malava ke ne tali ʻenau lotú. (ʻAi. 2:3, 4) Ko e tohi ʻOfa ʻa e ʻOtuá, ko ʻetau tohi ako fika ua ia ki hono tokoniʻi ʻa e kau ako Tohi Tapú ke lāuʻilo ki he anga ʻo e kaunga ʻa e ngaahi tefitoʻi moʻoni fakaʻotuá ki he moʻui fakaʻahó. (Hep. 5:14) Kuo pau ke tau feinga ke aʻu ki he lotó ʻi he taimi ʻoku tau akoʻi ai kinautolú koeʻuhi ke nau lava ʻo maʻu ʻa e fakaueʻiloto totonú ke fai ha ngaahi liliu.—Loma 6:17.

FOUNGA HONO FAI IÁ:

• Teuteu lelei, tauhi maʻu hoʻo fakakaukaú ʻa e fiemaʻu hoʻo tokotaha akó. Faʻu ha ngaahi fehuʻi fakatupu fakakaukau ke ne ʻomai ai ʻene ngaahi fakakaukaú mo ʻene ongoʻi fekauʻaki mo e fakamatalá.—Pal. 20:5; be 259

• Ngāueʻaki ʻa e ngaahi puha ʻi he tohí ke tokoniʻi hoʻo tokotaha akó ke sio ki he mahuʻinga hono ngāueʻaki ʻo e ngaahi tefitoʻi moʻoni Fakatohitapú

• Tokoniʻi hoʻo tokotaha akó ke fakaʻuhinga ʻi he ngaahi meʻa fakakonisēnisí kae ʻoua te ke fai ʻene filí.—Kal. 6:5

• ʻIloʻilo mo fakapapauʻi pe ʻoku fiemaʻu ʻe hoʻo tokotaha akó ha tokoni ki hono ngāueʻaki ʻo ha ngaahi tefitoʻi moʻoni Fakatohitapu. Fakalototoʻaʻi anga-ʻofa ia ke fai ha ngaahi liliu ʻo makatuʻunga ʻi heʻene ʻofa kia Sihová.—Pal. 27:11; Sione 14:31