Sīpinga Tuʻuaki

Fehuʻi: ʻI hoʻo fakakaukaú, ko e hā ʻa e meʻaʻofa lahi taha kuo foaki mai ʻe he ʻOtuá kiate kitautolú?

Konga Tohi Tapu: Sione 3:16

Tuʻuaki: Ko e ʻīsiu ko eni ʻo e Taua Leʻo ʻoku fakamamafaʻi ai ʻa e ʻuhinga naʻe fekau mai ai ʻe he ʻOtuá ʻa Sīsū ki he māmaní ke pekia maʻa kitautolú mo e founga ʻe lava ke tau fakahāhā ai ʻa e houngaʻia ʻi he meʻaʻofa ko iá.

Fehuʻi: [Fakahaaʻi ange ʻa e peesi ʻuluaki ʻo e tulekí.] Ko e hā hoʻo tali ki he fehuʻi ko ení? Ko e Puleʻanga ʻo e ʻOtuá ko ha meʻa ʻi ho lotó? Ko ha lea fakaefakatātā? pe ko ha puleʻanga ʻi hēvani?

Konga Tohi Tapu: Tan. 2:44; ʻAi. 9:6 (9:5, PM)

Tuʻuaki: ʻOku fakamatala ʻa e tulekí fekauʻaki mo e Puleʻanga ʻo e ʻOtuá mo ʻene ʻaonga kiate koé.

Tuʻuaki: ʻOku mau fakaafeʻi ʻa e kakaí ki ha kātoanga mahuʻinga ʻaupito. [ʻOange ʻa e tohi fakaafé.] ʻI ʻEpeleli 11, ʻe fakatahataha ai ʻa e laui miliona takatakai ʻi he māmaní ke fakamanatu ʻa e pekia ʻa Sīsuú pea mo fanongo ʻi ha malanga Fakatohitapu taʻetotongi fekauʻaki mo e founga ʻo ʻetau maʻu ʻaonga mei heʻene pekiá. ʻOku hā ʻi he tohi fakaafe ko ení ʻa e feituʻu mo e taimi ʻo e fakamanatú. ʻOku mau ʻamanaki pē te ke lava mai.