Nofoʻaki ʻĀʻā mo Longomoʻui Fakalaumālie ʻi he Liliu Ho Ngaahi Tuʻungá

ʻOku ʻikai ala kalofi ʻa e ngaahi liliú, tautefito ʻi he lolotonga ʻo e ngaahi ʻaho fakaʻosí ni. (1 Kol. 7:31) Pe te tau ʻamanaki ki ai pe ʻikai, lelei pe kovi, ʻoku lava ke uesia ʻe he ngaahi liliú ʻetau lotú mo fakahohaʻasi hotau vahaʻangatae mo Sihová. Ko e hā te ne tokoniʻi kitautolu ke tau nofoʻaki ʻāʻā mo longomoʻui fakalaumālie lolotonga ʻa e taimi ʻo ha liliu? Sio ʻi he vitiō Hanganaki Tuʻumaʻu Fakalaumālie Lolotonga Haʻo Hiki, pea tali leva ʻa e ngaahi fehuʻi ko ení:

• Ko e hā ʻa e faleʻi naʻe ʻoange ʻe ha tokoua ʻe taha ki ha tamai?

• Naʻe anga-fēfē hono ngāueʻaki ʻo e tefitoʻi moʻoni ʻo e Mātiu 7:25 ki he tuʻunga ʻo e fāmilí?

• Naʻe anga-fēfē ʻa e palani tokamuʻa ʻa e fāmilí ki heʻenau hikí, pea naʻe tokoni fēfē ia kiate kinautolu?

• Ko e hā naʻá ne tokoniʻi ʻa e fāmilí ke nau feʻunuʻaki ki he ngaahi liliu fakatouʻosi ʻi he fakatahaʻangá mo e feituʻu ngāué?

Ko e hā ʻa e ngaahi hokosia tefito naʻá ku aʻusia ki muí ni maí?

ʻE lava fēfē ke u ngāueʻaki ʻa e ngaahi tefitoʻi moʻoni kuó u maʻu ʻi he vitiō ko ení ʻi hoku tuʻungá?