Fakaleleiʻi ʻEtau Pōtoʻi ʻi he Ngāue Fakafaifekaú—Akoʻi ʻEtau Kau Akó ke Teuteu

ʻUHINGA ʻOKU MAHUʻINGA AÍ: ʻI he teuteu ʻa e kau ako Tohi Tapú, ʻoku faingofua ange ai ke nau mahinoʻi mo manatuʻi ʻa e meʻa ʻoku tau akoʻi kiate kinautolú. Ko e lahi ange ʻenau mahinoʻi mo manatuʻí, ko e vave ange ia ʻenau fakalakalaká. Naʻa mo e hili ʻa e papitaisó, ʻe fiemaʻu ke nau teuteu ki he ngaahi fakatahá mo e ngāue fakafaifekaú koeʻuhi ke nau “hanganaki leʻo.” (Māt. 25:13) Ko ia ai, ko hono ʻiloʻi ʻa e founga ke ako aí mo hono maʻu ha founga ako tuʻumaʻu leleí ʻe ʻaonga ia kiate kinautolu ʻi he kotoa ʻenau moʻuí. Mei he kamataʻangá pē, ʻoku totonu ke tau tokoniʻi ʻetau kau akó ke nau tōʻongaʻaki ʻa e teuteu ki heʻenau ako Tohi Tapú.

FOUNGA HONO FAI IÁ:

• 

  Hoko ko ha faʻifaʻitakiʻanga lelei. (Loma 2:21) Teuteu ki he ako taki taha mo fakakaukau ki he tokotaha akó. (km 11/15 3) ʻAi ke ne sio ki he lailaine hoʻo tohi akó

• 

  Fakalototoʻaʻi ia ke ne teuteu. ʻI hono fakahoko pē ʻa e akó, ʻai ke ne ʻilo ko e teuteú ko ha konga ia ʻo e fokotuʻutuʻu ʻo e ako Tohi Tapú, pea fakamatalaʻi ʻa hono ngaahi ʻaongá. ʻOange ha ngaahi fokotuʻu ʻaonga ki he founga ʻe lava ke ne vaheʻi ai ha taimi mei heʻene taimi-tēpilé ke ne teuteu aí. ʻOku fakaʻatā ʻe he kau faiako ʻe niʻihi ʻa e tokotaha akó ke ne ngāueʻaki ʻa e tohi ʻa e faiakó ʻoku ʻosi lailainé ʻi he lolotonga ʻo ha ako ke tokoniʻi ʻa e tokotaha akó ke sio ki hono ʻaongá. Fakaongoongoleleiʻi ia ʻi heʻene teuteú

• Fakahāhaaʻi kiate ia ʻa e founga ke teuteu aí. ʻI he kamatá, ʻe ngāueʻaki ʻe he kau faiako ʻe niʻihi ha taimi ako kakato ke fakahāhā ai ki heʻenau tokotaha akó ʻa e founga ke teuteu ai ki ha lēsoni