Fakamoʻoni ʻo e Tāpuaki ʻa Sihová

8:6-9, 12; 9:1-5, 23, 24

Naʻe ʻohifo ʻe Sihova ha afi ke ne keina ʻa e fuofua feilaulau tutu ʻa e tuʻunga taulaʻeiki faka-ʻĒloné naʻe toki fakanofó. Naʻe fakahaaʻi eni ʻa e poupou ʻa Sihová mo ʻene hōifua ki he fokotuʻutuʻu ko ení. Naʻe fakalototoʻaʻi ai ʻe Sihova ʻa e kau ʻIsileli naʻe fakatahataha ʻi aí ʻo sio ki he meʻa naʻe hokó ke nau poupouʻi kakato ʻa e tuʻunga taulaʻeikí. ʻI he ʻahó ni ʻoku ngāueʻaki ʻe Sihova ʻa Sīsū Kalaisi kuo hakeakiʻí ko e fungani Taulaʻeiki lahi angé. (Hep. 9:11, 12) ʻI he 1919, naʻe fakanofo ʻe Sīsuú ha kiʻi kulupu ʻo e kau tangata kuo pani ko e “tamaioʻeiki anga-tonu mo potó.” (Māt. 24:45) Ko e hā ʻa e fakamoʻoni ʻoku maʻu ʻe he tamaioʻeiki anga-tonú ʻa e tāpuaki, poupou mo e hōifua ʻa Sihová?

• Kuo hokohoko atu hono tokonaki mai ʻe he tamaioʻeiki anga-tonú ʻa e meʻakai fakalaumālie neongo ʻa e fakafepaki taʻemamotú

• Hangē ko e kikité ʻoku malangaʻi ʻa e ongoongo leleí “ʻi he kotoa ʻo e māmani kuo nofoʻí.”​—Māt. 24:14

ʻE lava fēfē ke tau poupou kakato ki he tamaioʻeiki anga-tonu mo potó?