ʻOku Hoko ʻa e Ngaahi Meʻa ʻOku Kikiteʻi ʻe he Tohitapú

ʻOku ʻikai ke ngata pē ʻi hono ʻomai ʻe he Tohitapú ʻa e talanoa moʻoni ʻo e meʻa naʻe hoko ʻi he kuo hilí ka ʻokú ne toe tala mo e meʻa ʻe hoko ʻi he kahaʻú. Heʻikai malava ʻe he faʻahinga ʻo e tangatá ke tala ʻa e kahaʻú. Ko e ʻuhinga ia ʻoku tau ʻilo ai ʻoku mei he ʻOtuá ʻa e Tohitapú. Ko e hā ʻa e lau ʻa e Tohitapú ʻo kau ki he kahaʻú?

ʻOku lave ʻo fekauʻaki mo e tau lahi ʻa e ʻOtuá. ʻI he tau ko ʻení ʻe fakamaʻa ai ʻe he ʻOtuá mei he māmaní ʻa e kovi kotoa pē mo e kakai koví, ka te ne maluʻi ʻa e faʻahinga ʻoku nau tauhi kiate iá. Ko e Tuʻi ʻa e ʻOtuá, ko Sīsū Kalaisi, te ne fakapapauʻi ʻe maʻu ʻe he kau sevāniti ʻa e ʻOtuá ʻa e melino mo e fiefia, pea ʻe ʻikai ʻaupito te nau toe puke pe mate.

ʻOku tau fiefia ʻe ngaohi ʻe he ʻOtuá ha palataisi foʻou ʻi he māmaní, ʻikai ko ia? Ka kuo pau ke tau fai ha meʻa ʻo kapau te tau fie nofo ʻi he palataisi ko ʻení. ʻI he talanoa fakaʻosi ʻo e tohí ni te tau ako ai ki he meʻa kuo pau ke tau fai kae maʻu ʻa e ngaahi meʻa fakaofo kuo tuku tauhi ʻe he ʻOtuá maʻá e kakai ʻoku tauhi kiate iá. Ko ia lau ʻa e KONGA 8 pea ke ʻilo ai ʻa e ngaahi meʻa ʻoku kikiteʻi ʻe he Tohitapú ki he kahaʻú.