Kaungāongoʻi

Meʻa Naʻe Fai ʻe Sīsuú

VITIŌ: Ongoʻi Fakaʻofaʻia ʻa Sīsū ʻi he Fuʻu Kakaí

1. Sio ʻi he VITIOÓ, pe lau ʻa e Maʻake 6:​30-34. Fakakaukau leva ki he ongo fehuʻi ko ení:

1. a. Ko e hā naʻe loto ai ʻa Sīsū mo ʻene kau ʻapositoló “ke nau nofo fakaekinautolu pē”?

2. e. Ko e hā naʻá ne ueʻi ʻa Sīsū ke akoʻi ʻa e fuʻu kakaí?

Ko e Hā ʻOku Tau Ako meia Sīsuú?

2. Ko e kaungāongoʻí ʻokú ne ueʻi kitautolu ke tau tokanga ki he kakaí kae ʻikai ki heʻetau pōpoakí pē.

Faʻifaʻitaki kia Sīsū

3. Fanongo tokanga. Fakaʻatā ʻa e tokotahá ke ne fakahaaʻi mai ʻa e anga ʻene fakakaukaú. ʻOua ʻe fakahohaʻasi ʻene leá pe tukunoaʻi ʻene ngaahi ongoʻí, hohaʻá mo e kehe ʻa e anga ʻene fakakaukaú. ʻI hoʻo fanongo tokangá, ʻokú fakahaaʻi ai ʻokú ke tokanga fekauʻaki mo e meʻa ʻokú ne fakakaukau ki aí.

4. Fakakaukau fekauʻaki mo e tokotaha mahuʻingaʻiá. Makatuʻunga ʻi hoʻo faʻa fetalanoaʻaki mo iá, ʻeke hifo:

1. a. ‘Ko e hā ʻoku fiemaʻu ai ke ne fanongo ki he moʻoní?’

2. e. ‘ʻE anga-fēfē tokoni hono ako ʻa e Tohi Tapú ke ʻai ke lelei ange ʻene moʻui fakaʻahó mo hono kahaʻú?’

5. Vahevahe ʻa e fakamatala ʻoku tokoni ki heʻene fiemaʻú. ʻI he vave taha ʻe ala lavá, fakahāhā ʻa e founga ʻe malava ai ʻe hono ako ʻa e Tohi Tapú ʻo tali ʻene ngaahi fehuʻí pea tokoniʻi ia ʻi ha ngaahi founga ʻaonga.