Fakahāhā ʻa e Kaungāongoʻi

Ko e kaungāongoʻí ko ha malava ia ke mahinoʻi ʻa e fakakaukau, ongoʻi, tuʻunga fakaeʻulungaanga mo e fiemaʻu ʻa e niʻihi kehé. ʻOku ʻiloʻi ʻe he kakaí kapau ʻoku tau fakahāhā ʻa e kaungāongoʻi kiate kinautolu. Kapau ʻoku tau loto-moʻoni ke tokoniʻi ʻa e niʻihi kehé ʻe faingofua ai ke tau fakahāhā ʻa e kaungāongoʻí kiate kinautolu. ʻI heʻetau fakahāhā ʻa e kaungāongoʻí ʻi he ngāue fakafaifekaú ʻoku tau faʻifaʻitaki ai ki he ʻofa mo e tokanga ʻa Sihová pea ʻoku tohoakiʻi ai heni ʻa e kakaí kiate ia.​—Fil. 2:4.

ʻOku tau fakahāhā ʻa e kaungāongoʻí ʻo ʻikai ngata pē ʻi heʻetau faiakó kae toe pehē foki ʻi he anga ʻo ʻetau fanongó mo ʻetau leá pehē foki ki heʻetau tōʻongá, ngaue hotau sinó mo e fakafōtunga hotau matá. ʻOku tau fakahāhā ʻa e kaungāongoʻí ʻaki ʻetau fakahaaʻi ʻa e mahuʻingaʻia loto-moʻoni ʻi ha tokotaha. ʻOku tau mahuʻingaʻia ʻi he meʻa ʻokú ne saiʻia aí, ko ʻene tuí mo ʻene tuʻungá. ʻOku tau ʻoange ha fakamatala ʻaonga mo e tokoni kae ʻikai fakamālohiʻi ia ke liliu. ʻI he tali ʻe he niʻihi kehé ʻetau tokoní ʻoku tupulaki ai ʻetau fiefia ʻi he ngāue fakamalangá.

SIO ʻI HE VITIŌ HOKOSIA ʻA E FIEFIA ʻI HE NGAOHI ĀKONGÁ​—FAKALELEIʻI HOʻO PŌTOʻÍ​—FAKAHĀHĀ ʻA E KAUNGĀONGOʻI, PEA TALI LEVA ʻA E NGAAHI FEHUʻI KO ENÍ:

• 

  Naʻe anga-fēfē hono fakahāhā ʻe Nita ʻa e kaungāongoʻí ʻi he tōmui atu ʻa Losé?

• 

  Naʻe anga-fēfē hono fakahāhā ʻe Nita ʻa e kaungāongoʻí ʻi he tala ange ʻe Lose ʻokú ne “fuʻu situlesi ʻaupito” ke fai ʻene ako Tohi Tapú?

• 

  Naʻe anga-fēfē hono fakahāhā ʻe Nita ʻa e kaungāongoʻí ʻi he tala ange ʻe Lose ʻoku ʻikai te ne fuʻu maau ʻo hangē ko iá?